មន្ត្រីជាន់ខ្ពស់ ដែលជាដំណាង របស់ប្រទេសជាសមាជិកសហភាពអឺរ៉ុប ទាំង២៨ប្រទេស នឹង ធ្វើកិច្ចជំនួប នាថ្ងៃចន្ទក្រោយនេះ ដើម្បីពិភាក្សាពីបញ្ហាស្ថានភាពក្នុងប្រទេស អេហ្ស៊ីប។ ទីភ្នាក់ងារសារព័ត៌មានចិនស៊ិនហួ ចុះផ្សាយដោយយោងតាមតួលេខដែលចង្អុលបង្ហាញ ដោយមន្ត្រីក្នុងស្រុក នៅថ្ងៃទី១៧ ខែសីហា ឆ្នាំ២០១៣នេះបានឲ្យដឹងថា មនុស្សយ៉ាងហោច ណាស់ ៥០០នាក់ត្រូវបាន សម្លាប់ក្នុងហេតុការណ៍ ប៉ះទង្គិចគ្នារវាងកងកម្លាំង រក្សាសន្តិសុខ និងអ្នកគាំទ្រ ក្រុមភាតរភាពម៉ូស្លីម ក្នុងទីក្រុង Cairo និងក្នុងតំបន់ផ្សេងទៀត។ មេដឹកនាំរបស់សភាពអឺរ៉ុប បានអំពាវនាវឲ្យមានការ ទប់ស្កាត់អំពើហិង្សា ព្រមទាំងវិលត្រលប់ទៅរកកិច្ចពិភាក្សា ប្រកបដោយអត្ថន័យខ្ពស់ ដើម្បីបញ្ឈប់ការវិវាទគ្នាផ្នែកនយោបាយ ដែលបានចាប់ផ្តើមកើតមានឡើងបន្ទាប់ពី លោកប្រធានាធិបតិ Mohamed Morsi លាលែងពីដំណែងកាលពីខែកក្កដាកន្លងទៅនេះ។ រដ្ឋមន្ត្រីការបរទេសប្រចាំសភាពអឺរ៉ុប លោកស្រី Catherine Ashton បាននិយាយថា លោកស្រីបានបន្ត តាមដានស្ថានភាពក្នុងប្រទេស អេហ្ស៊ីបជាមួយនឹងការព្រួយបារម្ភខ្ពស់៕
ប្រភពពី :Technology 2day
Blogger Comment
Facebook Comment