ឡើងគ្រែម្ដងៗផ្អើលអ្នកជិតខាងគេងមិនបាន គេប្ដឹងអស់ជិត ២ពាន់ដុល្លារ

ចៅក្រមក្នុងទីក្រុង Middlesbrough ប្រទេសអង់គ្លេសបានកាត់ក្ដីពិន័យជាទឹកប្រាក់សរុប ១៣០០ ផោន (ជិត ២០០០ ដុល្លារ) ទៅលើស្ត្រីចូលចិត្តសិចម្នាក់ ដោយសារស្ត្រីរូបនោះឡើងឋានសួគ៌ម្ដងៗផ្អើលអស់អ្នកជិតខាងមិនបានដេកមិនបានពួន។ ស្ត្រីដែលរងពិន័យខាងលើមានឈ្មោះថា Gemma Walker អាយុ ៣១ ឆ្នាំ។ តាមសម្ដីអ្នកជិតខាងថា ពួកគេស្ត្រេស និងគេងមិនបានដែលប៉ះពាល់ដល់ការងារ និងសុខភាពជាខ្លាំង ព្រោះរាល់ពេលឡើងគ្រែម្ដងៗ Gemma Walker ចាក់ភ្លេងឮៗ ថ្ងូរខ្លាំងៗពេលយប់ដូចគ្មានអ្នករស់នៅជិតខាងអញ្ចឹង។ អ្នកស្រី Susan Nicholls ដែលដាក់ពាក្យប្ដឹងបាននិយាយថា៖ “វាជាសុបិនអាក្រក់។ នាងស្រែកខ្លាំងៗ ចាក់ចម្រៀងឮៗ ឲ្យពួកយើងស្ដាប់នាងឡើងឋានសួគ៌។ វាមិនគួរឲ្យរីករាយនោះទេ”។ ដោយសារការប្រព្រឹត្តិមិនចេះមើលគេមើលឯង ចុងក្រោយ Gemma Walker ត្រូវអស់លុយយ៉ាងច្រើនអត់ប្រយោជន៍បែបនេះឯង៕