មនុស្សគ្រប់រូបតែងប៉ងប្រាថ្នាដេកឲ្យបានលក់ស្កប់ស្កល់ ប៉ុន្តែដោយសារតែមូល ហេតុផ្សេៗ ទើបបណ្តាលឲ្យកើតរោគដេកមិនលក់ ជា ពិសេសចំពោះស្ត្រីភេទ។ ដូច្នេះបន្ទាប់ពីបានរួមភេទ ប្រកបដោយលក្ខណៈត្រឹមត្រូវតាមក្បួនខ្នាតរួចមក ភាពតានតឹងនៅក្នុងរាងកាយ ចាប់ផ្តើមធូរស្រាល។ រីឯសាច់ដុំ បន្ទាប់ពីខំប្រឹង នឹងមានភាពហត់នឿយ ក្នុងពេកបើកឆាកប្រយុទ្ធរួចមក ក៏ទទួលបានការរលាសាច់ដុំ ឡើងវិញ ដែលអាចបង្កឲ្យមានការងងុយដេកភ្លាមៗ ដែលជាករណីអាចជួយដល់ការកម្ចាត់រោគដេកមិនលក់។ ម្យ៉ាងទៀត ចំពោះជីវិត ផ្លូវភេទដែលកាន់តែប្រកបដោយសុភមង្គលនោះ គឺក្រោយពេលបើកឆាកប្រយុទ្ធរួច ក៏អាចឆាប់ដេកបានលង់លក់ស្កប់ស្កល់ដែរ។
២- ជួយសម្រាលដល់រោគផ្សេងៗមុនពេលធ្លាក់រដូវ
ចំពោះស្ត្រីភេទ មុនពេលធ្លាក់រដូវក្នុងរវាងពី ៥ ទៅ ៧ ថ្ងៃ បរិមាណលោហិតដែលហូរចូលក្នុងឆ្អឹងត្រគាកមានការកើនឡើង ដូចនេះ អាចបណ្តាលឲ្យកើតរោគហើម និងរមួលក្រពើ ដែលអាចឈានទៅដល់ការកើតរោគហើមពោះ ឈឺពោះទៀតផង។ ចលនានៃការ បង្រួញសាច់ដុំ បន្ទាប់ពីការរួមភេទ អាចជំរុញឲ្យលោហិតបង្កើនល្បឿនហូរចេញពីតំបន់អាងត្រគាក និងជ្រៀតចូលក្នុងតំបន់ឈាមរត់ ដែលអាចជួយសម្រាលដល់កម្លាំងសម្ពាធឆ្អឹងត្រគាក និងជួយសម្រាលទៅដល់ការធ្វើទុកត្រង់ពោះទៀតផង។
៣- ទឹកកាមអាចជួយកម្ចាត់មេរោគក្នុងប្រដាប់ភេទរបស់ស្ត្រី
តាមការពិសោធន៍ អ្នកឯកទេស បានអះអាងថា នៅក្នុងទឹកកាម មានសារធាតុប្រឆាំងមេរោគម្យ៉ាង ដែលអាចកម្ចាត់មេរោគផ្សេងៗ នៅត្រង់ប្រដាប់ភេទរបស់ស្ត្រី។ ចំពោះស្ត្រីភេទណាដែលពុំមានជីវិតផ្លូវភេទក្នុងរយៈពេលយូរងាយកើតរលាកប្រដាប់ភេទ រោគរលាក ស្រោមស្បូន និងរោគរលាកបំពង់អូវុល ជាដើម។ ៤- ជួយការពារខួរក្បាល តាមការស្រាវជ្រាវផ្នែកវិទ្យាសាស្ត្ររបស់ជប៉ុន បានឲ្យដឹងថា ចំពោះជីវិតផ្លូវភេទក្នុងលក្ខណៈសមល្មម គឺអាចជួយជំរុញការដុតរំលាយ អាហារនៅក្នុងរាងកាយ ព្រមទាំងធ្វើឲ្យការចងចាំមានភាពខ្លាំងក្លាទៀតផង។
៥- កាត់បន្ថយអត្រានៃការកើតជំងឺបេះដូង
ជីវិតផ្លូវភេទ អាចធ្វើឲ្យឆ្អឹងត្រគាក អវយវៈ សន្លាក់ឆ្អឹង សាច់ដុំ និងឆ្អឹងខ្នង កាន់តែមានសកម្មភាពយ៉ាងរស់រវ៉ើក និងអាចជំរុញដល់ ចរន្តឈាមរត់ បង្កើនមុខងារបេះដូង និងសួតកាន់តែមានភាពរស់រវើក នាំឲ្យអ្នកដែលមានជីវិតផ្លូវភេទដ៏សមស្រប មានអត្រាគ្រោះថ្នាក់ នៃការកើតជំងឺបេះដូងធ្លាក់ចុះបាន ១០ភាគរយ បើប្រៀបធៀបនឹងអ្នកដែលមានជីវិតផ្លូវភេទពុំប្រក្រតី។
៦- ជួយសម្រាលដល់ការឈឺចុកចាប់
តាមពិតទៅ ជីវិតផ្លូវភេទ មានប្រសិទ្ធភាពអាចជួយសម្រាលដល់ការឈឺចាប់ មិនខុសពីថ្នាំអាស្ពឺរីននោះឡើយ។ ដោយផ្អែកតាមប្រព័ន្ធ ព្យាបាលជាច្រើន ក្រុមអ្នកឯកទេស បានអះអាងថា ជីវិតផ្លូវភេទអាចរំញោចដល់ប្រព័ន្ធសរសៃប្រសាទដ៏សំខាន់ក្នុងខួរក្បាល ហើយក៏បញ្ចេញនូវសារធាតុគីមីម្យ៉ាងដែលអាចជួយសម្រាលដល់ការឈឺចុកចាប់ដែរ។ ម្យ៉ាងទៀត អ្វីដែលគេមិននឹកស្មានដល់នោះ ការរួមភេទមានប្រសិទ្ធភាពអាចកាត់បន្ថយការឈឺចុកចាប់ទៅលើរោគសំខាន់ៗផ្សេងៗទៀត ដូចជា រោគរលាកសន្លាក់ឆ្អឹង ឈឺក្រពះ ឈឺសរសៃប្រសាទនៅត្រង់ខ្នង ឈឺក្បាល និង ឈឺធ្មេញ ជាដើម។
៧- កាត់បន្ថយអត្រានៃការកើតរោគសើស្បែក
នៅពេលដែលចរន្តឈាមរត់ នៅតាមស្រទាប់ស្បែកពុំបានល្អ អាចបណ្តាលឲ្យកើតរោគសើស្បែក ដូចជាកើត (មុន) ជាដើម។ ប៉ុន្តែ ប្រសិនបើមានជីវិតផ្លូវភេទដ៏សមស្រប អាចបង្កើនល្បឿននៃចរន្តឈាមរត់ ការដុតរំលាយអាហារនៅក្នុងរាងកាយ និង អាចធ្វើឲ្យ ស្រទាប់ស្បែកភ្លឺរលោង ព្រមទាំងមានផលប្រយោជន៍ការពារមិនឲ្យកើតរោគសើស្បែកទៀតផង។
៨- លើកកំពស់មុខងារនៃប្រព័ន្ធស៊ាំជំងឺ
បច្ចុប្បន្ននេះ គេសង្កេតឃើញថា អាការៈដែលរោគផ្តាសាយ ជំងឺលើសឈាម ដំបៅរលួយសព្វបែបយ៉ាងតែងតែងាយនិងចូលបៀត បៀននោះ ក៏ព្រោះតែប្រព័ន្ធស៊ាំជំងឺនៅក្នុងរាងកាយខ្សោយ បណ្តាលឲ្យជីវិតផ្លូវភេទ អាចធ្វើឲ្យការបញ្ចេញសារធាតុរាវ ពីក្រពេញ ក្រលៀនមានតុល្យភាព ចំណែកសាច់ដុំបន្តឹងមុននឹងរលាសន្ធឹងជាក្រោយ។ ហេតុនេះធ្វើឲ្យប្រព័ន្ធស៊ាំនឹងជំងឺ រក្សាបានភាពខ្លាំងក្លា។
៩- ជំរុញឲ្យប្រដាប់ភេទរបស់ស្ត្រីមានសុខភាពល្អ
សារធាតុអេស្ត្រូចេន (អ័រម៉ូនរបស់ស្ត្រី) អាចឲ្យមុខងារនៃប្រព័ន្ធចរន្តឈាមរត់ របស់ស្ត្រីរក្សាបានល្អប្រសើរ។ ដូច្នេះចំពោះស្ត្រីភេទ ដែលមានជីវិតផ្លូវភេទសមស្របតាមក្បួនខ្នាតកម្រិតនៃសារជាតិអេសស្ត្រូចេន កើនខ្ពស់ច្រើនជាងស្ត្រីដែលពុំបានរួមភេទទាល់តែសោះ ធ្វើឲ្យមុខងារសរីរៈនៃ អូវុលកាន់តែរឹងប៉ឹង។ ម្យ៉ាងទៀត នៅពេលរួមភេទម្តងៗ ការបញ្ចេញទឹករំអិល ឬទឹកកាមកើនឡើង ដែលអាច ការពារស្រោមប្រដាប់ភេទមិនឲ្យស្ងួត។
១០- ពន្យឺតភាពចាស់ជរា
ស្ត្រីភេទចាប់ពីអាយុ ប្រហែល ៣៥ឆ្នាំ ឡើងទៅ គ្រោងឆ្អឹងចាប់ផ្តើមធូរលុង ដូច្នេះការរួមភេទអាចជួយសម្រួលទៅដល់កូឡេស្តេរ៉ូល រក្សាភាពញឹកនៃគ្រោងឆ្អឹង និងកាត់បន្ថយភាពធូរលុង នៃគុណភាពឆ្អឹង។ ដូច្នោះមនុស្សក៏មានរាងកាយមាំមួនហាក់នៅក្មេងជានិច្ច។
១១- បង្កើនមុខងារនៃការផលិតឈាមនៅក្នុងខួរឆ្អឹង
ចំពោះបុរស ការមានជីវិតផ្លូវភេទដ៏សមស្រប រឹតតែធ្វើឲ្យរាងកាយមានសុខភាពមាំមួន ដែលអាចធ្វើឲ្យបរិមាណនៃការបញ្ចេញទឹកកាម នៅក្នុងពងស្វា ស កើនឡើង ដែលធ្វើឲ្យសាច់ដុំ កាន់តែរីកលូតលាស់បង្កើនទម្ងន់ខ្លួន និងបង្កើនមុខងារនៃការផលិតឈាមនៅក្នុង ខួរឆ្អឹង ព្រមទាំងអាចកាត់បន្ថយការប្រមូលផ្តុំជាតិខ្លាញ់នៅក្នុងរាងកាយទៀតផង៕
Blogger Comment
Facebook Comment