បន្ទាយមានជ័យ: ចោរលួចឆក់ទូរស័ព្ទ iphone ១ គ្រឿង ត្រូវបានកម្លាំងកងរាជអាវុធហត្ថ ក្រុងប៉ោយប៉ែត ចាប់ខ្លួន តាមពាក្យបណ្ដឹង កាលពីវេលាម៉ោង ៣ រសៀលថ្ងៃទី៦ ខែវិច្ឆិកា ឆ្នាំ២០១៣ នៅចំណុចម្ដុំខាងជើងព្រះវិហារចាម ស្ថិតនៅក្នុងភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត។
លោក ហម ម៉ុត មេបញ្ជាការកងរាជអាវុធហត្ថក្រុងប៉ោយប៉ែត បានអោយដឹងថា ការចាប់ខ្លួនជនសង្ស័យឈ្មោះ ចាត បូរី ភេទប្រុស អាយុ ៣២ឆ្នាំ ទីកន្លែងកំណើតនៅភូមិកម្មករ ឃុំស្វាយប៉ោ ស្រុកបាត់ដំបង ទីលំនៅបច្ចុប្បន្នបណ្ដោះអាសន្ន នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត។ ការចាប់ខ្លួនទៅតាមពាក្យបណ្ដឹងរបស់ជនរងគ្រោះ ឈ្មោះ ឡូញ ដានី ភេទស្រី អាយុ ២៤ឆ្នាំ មុខរបរជាបុគ្គលិកកាស៊ីណូហ្គែនធីង មានលំនៅភូមិក្បាលស្ពាន ត្រូវបានចោរឆក់ទូរស័ព្ទ iphone បានប្ដឹងដល់សមត្ថកិច្ចកងរាជអាវុធហត្ថ ចុះស្រាវជ្រាវរកមុខសញ្ញា ក៏ចាប់ខ្លួនបានភ្លាមៗ។
ជនសង្ស័យឈ្មោះ ចាត បូរី បានសារភាពនៅមុខសមត្ថកិច្ចថា ខ្លួនគេពិតជាបានប្រព្រឹត្តបានលួចទូរស័ព្ទដៃម៉ាក់ iphone ពណ៌ស ១គ្រឿង ដោយគេដើររកមិត្តភក្តិគេស្រាប់តែឃើញផ្ទះ១ បានបើកទ្វារចំហរ ប្រទះភ្នែកឃើញទូរស័ព្ទ នៅក្នុងផ្ទះ គ្មានម្ចាស់នៅ ក៏លួចយកនៅលើគ្រែ រួចគេដើរកាន់ទូរស័ព្ទដៃ ចេញក្រៅ បំរុងនឹងគេចខ្លួន ស្រាប់តែម្ចាស់គេ មកទាន់ ស្រែកឆោឡោ ឮដល់សមត្ថកិច្ច ចាប់ខ្លួនគេតែម្ដង៕
Blogger Comment
Facebook Comment