សៀមរាប៖ សមត្ថកិច្ចកងរាជអាវុធហត្ថខេត្ត ដឹកនាំដោយលោកវរសេនីយ៍ឯកស្រី យូរ៉ាមេបញ្ជាការរងកងរាជអាវុធហត្ថ និងជាប្រធានមន្ទីរស្រាវជ្រាវបទល្មើសព្រហ្មទណ្ឌ និងយុត្តិធម៌ បានឲ្យកម្លាំងក្រោមឱវាទ ចុះស្រាវជ្រាវស្វែងរកមុខសញ្ញាឈានដល់ធ្វើការឃាត់ខ្លួនបានម្នាក់ភ្លាមៗ នៅក្នុងបន្ទប់ជួលផ្ទះ២៤ ម៉ោងកាលពីវេលាម៉ោង១២និង៣០នាទី រសៀលក្នុងថ្ងៃទី២៧ ខែវិច្ឆិកា ឆ្នាំ២០១៣ស្ថិតនៅភូមិតាវៀន សង្កាត់សាលាកំរើក ក្រុងសៀមរាប និងម្នាក់ទៀត ខាងសមត្ថកិច្ចនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តជាអ្នកឃាត់។ ជនរងគ្រោះឈ្មោះផល សាវន ហៅរីណា ភេទស្រី អាយុ២០ឆ្នាំ ទីលំនៅភូមិក្រសាំងរលើង សង្កាត់សៀមរាប ក្រុងសៀមរាប។
យោងតាមការចង្អុលបង្ហាញពីលោកឧត្តមសេនីយ៍ត្រី ម៉ន សាម៉ុន មេបញ្ជាការកងរាជអាវុធហត្ថខេត្ត បានឲ្យលោកវរសេនីយ៍ឯក ស្រី យូរ៉ា មេបញ្ជាការរងកងរាជអាវុធហត្ថ និងជាប្រធានមន្ទីរស្រាវជ្រាវបទល្មើសព្រហ្មទណ្ឌ និងយុត្តិធម៌ ចុះបង្ក្រាបករណីឃាតកម្មកើតឡើង កាលពីថ្ងៃទី២៦ នៅចំនុចផ្លូវទំនប់អញ្ចាញ ជិតកន្លែងឆែកសំបុត្រ ស្ថិតនៅភូមិអារក្សស្វាយ សង្កាត់អង្គរធំ ក្រុងសៀមរាប។'
លុះស្អែកឡើងឈានចូលដល់ថ្ងៃទី២៧ ទើបកម្លាំងរបស់យើងតាមដានដឹងរហូតធ្វើការឃាត់ខ្លួនបានជនសង្ស័យម្នាក់ឈ្មោះ រ៉េត សុភារម្យ ភេទប្រុស អាយុ២០ឆ្នាំ ស្នាក់នៅភូមិព្រះដាក ឃុំព្រះដាកស្រុកបន្ទាយស្រីខេត្តសៀមរាប (អ្នកដៃដល់ហើយត្រូវជាសង្សារជាមួយជនរងគ្រោះ ពីព្រោះខ្លួន បានស្រលាញ់ស្រីម្នាក់ទៀត ឈ្មោះ មុំ ហៅពិសី ភេទស្រី អាយុ២១ឆ្នាំ ធ្វើការនៅភោជនីយដ្ឋាន ជំនោរធម្មជាតិ) និងទី២.ឈ្មោះ រស់ ស៊ីណា ហៅអាស៊ឺ មុខរបររត់ម៉ូតូឌុប ភេទប្រុស អាយុ ២២ ឆ្នាំ (អ្នករួមគំនិត) រស់នៅភូមិថ្នល់ទទឹងឃុំព្រះដាក ស្រុកបន្ទាយស្រី ខេត្តសៀមរាប(ឈ្មោះស៊ឺនេះ ត្រូវបានខាងនគរបាលកំរិតធ្ងន់ កំពុងសួរចំលើយមិនទាន់បានឲ្យមកខាងកងរាជអាវុធហត្ថខេត្តទេ។ ដកហូតបានវត្ថុតាងមានកាំបិតចិតបន្លែដងឈើ១ ម៉ូតូសេ១២៥ មួយគ្រឿង ពាក់ស្លាកលេខ1O:4883 សៀមរាប ឆ្នាំ២០១៣ និងកូនសោរមួយចំនួន។
លោកបានបញ្ជាក់ទៀតថា ចំពោះឈ្មោះ រ៉េត សុភារម្យ នេះត្រូវជាសង្សាររបស់ ឈ្មោះ ផល សាវន បានសារភាពថា ខ្លួនពិតជាអ្នកសម្លាប់សង្សារពិតប្រាកដមែនពីព្រោះខ្លួនបានឲ្យសង្សារទៅខ្ចីលុយពីធនាគាអេស៊ីលីដា ដើម្បីយកមកទិញម៉ូតូជិះនិងរត់ឌុប នៅមុខភោជនីយដ្ឋាន ក្រុងមាសក្រែងបានលុយនិងគេ ក្រោយមកខ្លួន ក៏បានបបួលសង្សារទៅញាំអីនៅឃ្យូងយូ ផ្លូវ៦០ ម៉ែត្ររួចញាំបាយបន្តិច រូបគេក៏ហៅសង្សារទៅដើរលេង នៅអង្គរតែគេបានឲ្យឈ្មោះស៊ឺនោះចាំនៅលើផ្លូវទំនប់អញ្ចាញ រួចហើយពេលនោះ ខ្ញុំក៏ជិះម៉ូតូជាមួយសង្សារចេញទៅដល់ចំនុចកើតហេតុខាងលើ រូបគេក៏ដកកាំបិតចិតបន្លែដងឈើ១ មកចាប់សក់ទាញមកក្រោយអាករសម្លាប់ភ្លាមៗព្រមជាមួយអាស៊ឺ ជាអ្នកជួយចាប់រួច ក៏នាំគ្នាជិះម៉ូតូម្នាក់មួយចេញមកបាត់។
លុះស្អែកឡើងរូបគេឃើញសមត្ថកិច្ចកងរាជអាវុធហត្ថ ទៅដល់ផ្ទះជួលគេតែម្តង។ ចំណែកឈ្មោះស៊ឺ ដែលនគរបាលកំរិតធ្ងន់ នៃស្នងការដ្ឋាននគរបាលខេត្តឃាត់ខ្លួនបាននោះ មិនទាន់យកមកប្រគល់ឲ្យខាងកងរាជអាវុធហត្ថនៅឡើយទេ មកដល់ពេលនេះ។
ដោយ :គឿនវ៉េត
Blogger Comment
Facebook Comment