បណ្តាញសារព័ត៌មានរដ្ឋរបស់ចិនដែលបានសរសើរអំពីភាពជឿនលឿននៃបច្ចេកវិទ្យាទំនើបនេះ បាននិយាយថា ការសាកល្បងនៃយន្តហោះចម្បាំងបំបាំងកាយដែលគ្មានមនុស្សបើកនេះឈ្មោះSharp Sword ដែលមានន័យថា“ ដាវដ៏មុត”នេះ ថាជាការបោះជំហានមួយទៀតរបស់ចិនក្នុងការពង្រឹងសមត្ថភាពយោធាចិន ។
យន្តហោះចម្បាំងបំបាំងកាយដែលគ្មានមនុស្សបើកនេះឈ្មោះSharp Sword
ចិនបង្កើនការចំណាយថវិការរាល់ឆ្នាំលើវិស័យយោធា ហើយឥឡូវនេះចិនក្លាយជាប្រទេសទី២ដែលចំណាយលុយដ៏ច្រើនជាងគេបំផុតលើវិស័យយោធា។
ការសាកល្បងយន្តហោះនេះ បានកើតឡើងគឺតែពីរបីសប្តាហ៍ប៉ុណ្ណោះ បន្ទាប់ពីរដ្ឋាភិបាលក្រុងតូក្យូបាននិយាយថា យន្តហោះគ្មានមនុស្សបើកមួយគ្រឿងបានហោះនៅជិតប្រជុំកោះនៅសមុទ្រចិនខាងកើតជាទីដែលខ្លួន(ជប៉ុន) និងចិន បានអះអាងសិទ្ធិកាន់កាប់តែរៀងៗខ្លួន ដែលបណ្តាលឲ្យមានភាពតានតឹងខ្លាំងឡើងមួយកំរិតថែមទៀតរវាងប្រទេសទាំង២ដែលជាគួប្រជែងគ្នានេះ។
រដ្ឋាភិបាលក្រុងតូក្យូ ធ្លាប់បានព្រមានញឹកញយថានឹងបាញ់ទម្លាក់យន្តហោះណាមួយឬជាប្រភេទយន្តហោះបែបនេះ បើសិនយន្តហោះទាំងនេះហោះរំលោភបំពានដែនអាកាសពីលើប្រជុំកោះរបស់ខ្លួនដែលស្ថិតក្នុងទឹកដីរបស់ខ្លួននោះ ។
ការព្រមានទាំងនេះបាននាំឲ្យទីក្រុងប៉េកាំងព្រមានថាចំណាត់ការបែបនេះរបស់ជប៉ុនគឺស្មើនឹងការធ្វើសង្គ្រាម៕
Blogger Comment
Facebook Comment