ភ្នំពេញ៖ ម៉ូតូនិងរ៉ឺម៉កម៉ូតូ បើកកៀរគ្នា នៅចំណុចរង្វង់មូលនាងគង្ហីង មិនបង្កឲ្យមានការខូចខាតម៉ូតូ និងរងរបួសទេ ប៉ុន្តែយុវជនជាអ្នកបើកម៉ូតូ បានជិះដេញតាមកាក់ពីមុខរ៉ឺម៉កម៉ូតូ ហើយចុះទៅវាយអ្នកបើករ៉ឺម៉កម៉ូតូ ធ្វើឲ្យអ្នកបើករ៉ឺម៉ក ម៉ូតូការពារខ្លួនវិញ ដាក់មួយដៃបាក់ក្តោងច្រមុះ ។
ហេតុការណ៍នេះកើតឡើងនៅវេលាម៉ោង៨ និង៥នាទីយប់ថ្ងៃទី៧ ខែមករា ចំណុចរង្វ់ងមូលនាងគង្ហីង មុខស្ថានីយប្រេងឥន្ធនៈតូតាល់ ផ្លូវលេខ១៨២ សង្កាត់វាលវង់ ខណ្ឌ៧មករា ។
ប្រភពព័ត៌មានបានឲ្យដឹងថា ម៉ូតូសេ១២៥ ពណ៌ខ្មៅ មិនចាំស្លាកលេខ ជិះគ្នា២នាក់ ស្រីម្នាក់ ប្រុសម្នាក់ ធ្វើដំណើរស្របគ្នាជាមួយរ៉ឺម៉កម៉ូតូ បើកឆ្លងកាត់រង្វង់មូលនាងគង្ហីង បណ្តាលឲ្យកៀរគ្នាតិចតួច តែមិនមានរងរបួសទេ ស្រាប់តែម៉ូតូ បានជិះដេញតាមវ៉ារ៉ឺម៉កម៉ូតូ ទៅកាក់ពីខាងមុខ ហើយចុះទៅវាយអ្នកបើករ៉ឺម៉កម៉ូតូ ដែលមានវ័យចាស់ជាងអ្នកបើកម៉ូតូនោះ ធ្វើឲ្យអ្នកបើករ៉ឺម៉កម៉ូតូការពារខ្លួនវិញ ដាក់មួយដៃបាក់ក្តោងច្រមុះ អ្នកបើកម៉ូតូហូរឈាមកក្លាក់ ។
ក្រោយពេលកើតហេតុ ភាគីទាំងពីរ បានទៅដាក់ពាក្យបណ្តឹងនៅប៉ុស្តិ៍វាលវង់ ដោយចោទប្រកាន់គ្នាទៅវិញទៅមក ថាជាអ្នកបង្ក ៕
Blogger Comment
Facebook Comment