ខេត្ដកំពង់ឆ្នាំង ៖ នារីវ័យក្មេងម្នាក់ បានសម្រេចចិត្តប្តឹង ព្រះសង្ឃមួយអង្គ ពីករណីបង្ខាំងនាង ទុកក្នុងបន្ទប់ទឹកនៃកុដិមួយ បង្ខំរំលោភរយៈពេល មួយយប់មួយថ្ងៃ ក្រោយពេលមានទំនាស់ រឿងស្នេហ៍ខុសតម្រា នៅវេលាម៉ោង ២និង៣០នាទីរសៀលថ្ងៃទី៧ ខែមករា ឆ្នាំ២០១៤ ស្ថិតក្នុងវត្ដ ទេពធីតារាម ហៅវត្ដយាយទេព ក្នុងភូមិ ត្រពាំងបី សង្កាត់ផ្សារឆ្នាំង ក្រុងកំពង់ឆ្នាំង ហើយព្រះសង្ឃ ដែលជាចុងចោទ បានរត់គេចខ្លួន បាត់ស្រមោល។
រឿងរ៉ាវខាងលើនេះ ទើបបែកធ្លាយ នៅព្រឹកថ្ងៃទី៩ ខែមករា បន្ទាប់ពីនារីជា ស្រីស្នេហ៍បានប្ដឹង ឲ្យនគរបាលក្រុងកំពង់ឆ្នាំង ជួយរកយុត្តិធម៌ ហើយក៏បាននាំគ្នា កាត់សោកុដិដើម្បីត្រួតពិនិត្យ ។ នារីរងគ្រោះអាយុ ២១ឆ្នាំ មានទីលំនៅក្នុងក្រុងកំពង់ឆ្នាំង បានឱ្យដឹងថា នាងបានស្រឡាញ់គ្នា ជាមួយព្រះសង្ឃនាម ភន ធារី ព្រះជន្ម ២៣ឆ្នាំ តាំងពីឆ្នាំ២០០៩ មកម្ល៉េះ ប៉ុន្ដែពួកនាងមិនដែល ធ្វើអ្វីខុសប្រពៃណីឡើយ ។
រហូតដល់ឆ្នាំ២០១០ មានយប់មួយ ព្រះសង្ឃអង្គនេះ បានណាត់នាងឱ្យទៅជួប ហើយបាននាំនាង ឡើងទៅលើកុដិក្នុងវត្ដ ចាប់នាងរំលោភ រហូតបានសម្រេច។ ក្រោយពេលរំលោភរួព ព្រះសង្ឃជាគូស្នេហ៍ បានគំរាមមិនឱ្យ ប្រាប់នរណាទេ បើហ៊ានប្រាប់ លោកនឹង អារ.កសម្លាប់ចោល ។ កន្លងមកប្រហែល ៣ខែ សង្ឃអង្គនេះបាន ទូរស័ព្ទហៅនាងឱ្យទៅជួប ហើយក៏ចាប់រំលោភ បានសម្រេចម្ដងទៀត ។
រហូតដល់ថ្ងៃទី៦ ខែមករា ឆ្នាំ២០១៤ លោកសង្ឃនាម ភន ធារី បានឱ្យនាងមកជួប ហើយបានទាញទ្វារ ចាក់សោបង្ខាំងនាងនៅក្នុងកុដិ បង្ខំនាងរំលោភបានសម្រេច។ ក្រោយពេលរំលោភរួច សង្ឃនោះមិនបានឱ្យនាង ត្រឡប់មកផ្ទះវិញទេ ដោយចាក់សោបង្ខាំងនាង មួយយប់ទល់ភ្លឺថ្ងៃទី៧ ខែមករា មិនទាន់បានដោះលែងនាង ឱ្យមកផ្ទះវិញទៀត ហើយបានជជែកគ្នា ពីរឿងសន្យាថា សឹកទៅដណ្ដឹងនាង ឈានដល់ការឈ្លោះ ទាស់ទែងគ្នា និងប្តឹងឲ្យសមត្ថកិច្ច ជួយរកយុត្តិធម៌តែម្តង៕
Blogger Comment
Facebook Comment