ក្នុងបំណងរក្សាវប្បធម៌បុរាណខ្មែរ និងទប់ស្កាត់ការហូរចូលវប្បធម៌បរទេស នៅព្រឹកថ្ងៃទី៣ ខែកុម្ភៈ ឆ្នាំ២០១៤នេះ សមាគមទំនៀមប្រពៃណីខ្មែរនិងសេវាសង្គម បានរៀបចំសិក្ខាសាលាបើកវគ្គបណ្តុះបណ្តាលអាជីពគ្រូទាយជាលើកដំបូង នៅក្នុងប្រទេសកម្ពុជា។
សាលាហោរាសាស្រ្តកម្ពុជា បណ្តុះបណ្តាលផ្នែក ១.ទស្សទាយតាមលេខអត្តៈ ២.ផ្នែកទស្សន៏ទាយបាតដៃ ៣.ផ្នែកមើលទម្រង់មុខមនុស្ស ៤.ផ្នែករៀបចំហុងស៊ុយតាមផ្ទះ ៥.ផ្នែកទស្សទាយតាមក្តាវិល ៦.ផ្នែកប្រារព្ឋពិធីមង្គលការផ្សេងៗ និងទី៧.បណ្តុះបណ្តាលផ្នែករៀបបាយសី តម្លើងគ្រូតាមផ្ទះ ឬកន្លែងធ្វើការ ដែលកម្មវិធីនេះបង្រៀនដោយបណ្តុំគ្រូទាយល្បីៗនៅក្នុងប្រទេសកម្ពុជា។
លោកគ្រូ ឡុង បូរ៉ា ប្រធានសមាគមទំនៀមប្រពៃណីខ្មែរនិងសេវាសង្គម បានថ្លែងក្នុង ពិធីបើកអង្គសិក្ខាសាលានៅព្រឹកនេះថា ការបើកសាលាបណ្តុះបណ្តាលនេះ ធ្វើឡើង ក្នុងគោលបំណង ទី១.ចូលរួមចំណែកជាមួយរាជរដ្ឋាភិបាល ដើម្បីកាត់បន្ថយភាពក្រីក្រនិងភាពល្ងិតល្ងង់ ទី២.ចូលរួមចំណែកការពារ និងទប់ស្កាត់វប្បធម៌បរទេសដែល ហៀរចូលមក និងទី៣.ស្រាវជ្រាវឃឿនវប្បធម៌ខ្មែរ ដែលបានបន្លំយកពីសំណាក់ជនបរទេសនានា។
ឯ.ឧ អឹម បូរិន អគ្គលេខាធិការគណៈកម្មាធិការរៀបចំបុណ្យជាតិនិងអន្តរជាតិ បានថ្លែងដោយកោតសរសើរ ចំពោះសមាជិកសមាជិការសមាគម ដែលបានផ្តួចផ្តើមបង្កើតសាលាបណ្តុះបណ្តាល អាជីពហោរាសាស្រ្តអាជីពនេះឡើង សម្រាប់ផ្តល់ឱកាសអោយកូនខ្មែរយុវជនយុវតី បានចេះដឹងចូលរួមទប់ស្កាត់ ការហូរចូលវប្បធម៌បរទេសនិងចូលរួមអភិរក្សវប្បធម៌ខ្មែរ អោយកាន់តែរីកចំរើន ដូចពាក្យថាវប្បធម៌រលត់ ជាតិរលាយវប្បធម៌ពណ្ណរាយជាតិរុងរឿង។ ជំនាញហោរាសាស្រ្តមិនលំបាកក្នុងការគៀងគរដើមទុនមកធ្វើវិនិយោគឡើយ អោយតែមានជំនាញទាយចេះច្បាស់លាស់ គឺអាចរៀបចំជីវិតរបស់ខ្លួនក្លាយជាគ្រួទាយអាជីព មានជីវភាពរស់នៅសមរម្យ ប្រកបដោយភាពថ្លៃថ្នូក្នុងសង្គម៕
Blogger Comment
Facebook Comment