ប្រទះឃើញគុជខ្យងចំនួន៤២គ្រាប់ក្នុងខ្លួន បុរសម្នាក់

ចិន៖ គ្រូពេទ្យមានការភ្ញាក់ផ្អើលយ៉ាងខ្លាំង ក្រោយពីប្រទះ ឃើញគុជខ្យងយ៉ាងច្រើននៅក្នុង ខ្លួនបុរសម្នាក់។ លោកតាម Zou អាយុ៦១ឆ្នាំ រស់នៅទីក្រុងប៉េកាំង ប្រទេសចិន ត្រូវបានគេ បញ្ចូនទៅកាន់បន្ទប់សង្គ្រោះបន្ទាន់ ដើម្បីធ្វើការវះកាត់យកគុជខ្យងចំនួន៤២គ្រាប់ចេញពីក្នុង ខ្លួន ដែលគ្រាប់គុជខ្យងនោះនៅក្នុងខ្លួនរបស់គាត់អស់ជាច្រើនឆ្នាំ ព្រមទាំងបណ្តាលអោយ ជើងរបស់គាត់ឈឺទៀតផង។

 គ្រូពេទ្យនៅមន្ទីរពេទ្យ Nianlun Orthopaedics Hospital (NOH) នៅទីក្រុង Changsha ខេត្ត Hunan បានវះកាត់យកគុជខ្យងនោះចេញពីចង្កេះ ត្រគាក និងជើងរបស់ គាត់។

 លោក Zou មានអាការៈឈឺចង្កេះ និងជើង ហើយក៏ត្រូវមិត្តភក្តិរបស់គាត់ណែនាំអោយ ទៅពេទ្យមួយក្នុងទីក្រុង Yiyang ដោយគ្រូពេទ្យបានដាក់គុជខ្យងចូលក្នុងខ្លួនគាត់ ដើម្បី បំបាត់ភាពឈឺចាប់ ប៉ុន្តែក្រោយមកអាការៈរបស់មិនបានអន់ថយ ព្រមទាំងកាន់តែធ្ងន់ធ្ងរជាង មុខរហូតដល់គាត់ដើរមិនរួចទៀតផង។

 គ្រូពេទ្យនៅមន្ទីរពេទ្យ NOH បានរកឃើញថា មូលហេតុធ្វើអោយលោក Zou ដើរមិនរួច គឺបណ្តាលមកពីគុជខ្យងគៀបសរសៃឈាម ធ្វើអោយឈាមមិនអាចបញ្ចូនទៅដល់ឆ្អឹងបាន។

ប្រភព:Khmer-note

Share on Facebook Share on Twitter Share on Google Plus