-------------
អាម៉ារ ស៊ីញ(Amar Singh) មានដុះកញ្ចុំសក់ដ៏ក្រាស់ នៅលើផ្នែកខាងក្រោមនៃខ្នង ។ ឥឡូវនេះវាមានប្រវែងជាង 12 អ៊ិចឈ៍ (៣០,៤៨សង្ទីម៉ែត្រ)ហើយ អ្នកមូលដ្ឋាននៅភូមិនីជម៉ាពួរ(Nijmapur) ប្រទេសឥណ្ឌារបស់កុមាររូបនេះជឿថា នាយមានទំនាក់ទំនងទៅនឹងព្រះនៃសាសនាហិណ្ឌូ គឺហនុមាន ។
បើតាមគេហទំព័រ dailystar.co.uk បានឲ្យដឹងថា ការតភ្ជាប់កុមារអាម៉ារទៅនឹងព្រះបែបនេះ មិនបានបញ្ចប់នៅត្រឹមក្នុងភូមិមួយនេះឡើយ- អ្នកភូមិផ្សេងមួយចំនួនទៀតបានឡើងមកភូមិនេះផងដែរ ជាមួយនឹងទ្រឹស្តីដែលថា ស្ថានភាពរបស់កុមារនេះស្រដៀងគ្នាទៅនឹងព្រះគោ - ជាសត្វដែលត្រូវបានគេចាត់ទុកថាបរិសុទ្ធនៅក្នុងវប្បធម៌សាសនាហិណ្ឌូ។
អ្នកស្រុកទាំងនោះជឿថាទ្រឹស្តីនេះ គឺជាការពិត ដោយសារតែក្មេងតូចនោះបានចំណាយពេលវេលាជាច្រើនលេងជាមួយសត្វនៅក្នុងភូមិរបស់វា។បើទោះបីជាមានការតភ្ជាប់ខាងជំនឿយ៉ាងណាក្តី អាម៉ារ គឺជាក្មេងប្រុស" ជាទីស្រឡាញ់ " ធម្មតាមួយរូប, នេះបើយោងតាមឪពុករបស់អាម៉ារ , លោកអាជមែ ស៊ីញ(Ajmer Singh)។ អាម៉ារបានកើតមកដោយមានកញ្ចុំសក់បែបនេះមានប្រវែងប្រហែលមួយអ៊ីចឈ៍(២,៥៤សង្ទីម៉ែត្រ) ។
វាបានរីកលូតលាស់ ជាមធ្យមពីរអ៊ិចឈ៍ក្នុងមួយឆ្នាំ។ ក្រុមគ្រួសារ របស់អាម៉ារបដិសេធមិនកាត់កន្ទុយនោះចោលទេ ដោយសារពួកគេពិចារណាថានេះជាអំណោយទានពីព្រះ។គេជឿថាប្រការនោះអាចផ្លាស់ប្តូរ នៅពេលដែលអាម៉ារបានក្លាយជាក្មេងជំទង់ ហើយក្មេងស្រីបានបង្ហាញខ្លួន!
Blogger Comment
Facebook Comment