-----------
ឆ្កែមួយក្បាលឈ្មោះ Zeus អាយុ ៨ឆ្នាំត្រូវបានគេអញ្ជើញ និងត្រៀមយកវាឲ្យទៅបោះឆ្នោតជ្រើសរើសសមាជិកសភាអឺរ៉ុបដែលនឹងធ្វើនៅពេលខាងមុខនេះ។ឆ្កែមួយក្បាលនេះជាកម្មសិទ្ធិរបស់ RussellHoyle ដែលរស់នៅក្នុងភូមិមួយនៅភាគឦសាន្តប្រទេសអង់គ្លេស។លោក Hoyle បានប្រាប់បណ្ដាញព័ត៌មានអន្តរជាតិមួយថា "ខ្ញុំអាចចាំបាននៅពេលដែលមនុស្សម្នាជាច្រើនត្រូវបានគេធ្វើជំរឿន។
ខ្ញុំចាំថា ខ្ញុំធ្លាប់បាននិយាយទៅកាន់មន្ត្រីជំរឿនថា ខ្ញុំមានតែប្រពន្ធមួយ និងរូបខ្ញុំ។ កូនប្រុសរបស់ខ្ញុំមិនទាន់គ្រប់អាយុបោះឆ្នោតទេ។ តែយើងមាន Zeus ហើយវាមានអាយុ ៦៣ឆ្នាំ"។ នៅពេលដែលគេយកសំបុត្រអញ្ជើញឲ្យទៅបោះឆ្នោត Russell បាននិយាយថា "ខ្ញុំមានកិច្ចការពីរត្រូវធ្វើនៅពេលបោះឆ្នោត"។
ជាទូទៅ លិខិតអញ្ជើញឲ្យបោះឆ្នោតឬគេហៅថា Polling Card ត្រូវបានបញ្ជូនទៅឲ្យអ្នកដែលបានចុះឈ្មោះបោះឆ្នោតដោយបង្ហាញលេខសម្គាល់ និងព័ត៌មានអំពីទីតាំង និងពេលវេលាដែលត្រូវទៅបោះឆ្នោត។ម្ចាស់ឆ្កែពីរនាក់ប្ដីប្រពន្ធខាងលើ មានគម្រោងនាំ Zeus ដើរលេងបន្ទាប់ពីបោះឆ្នោតរួចនៅថ្ងៃទី ២២ ខែឧសភា ខាងមុខ៕
Blogger Comment
Facebook Comment