-------------
បន្ទាយមានជ័យ: អំឡុងពិធីចូលឆ្នាំខ្មែរឆ្នាំមមី នៅខេត្តបន្ទាយមានជ័យ គិតពីថ្ងៃទី ១៣ ដល់ ១៧ មេសានេះ មានគ្រោះថ្នាក់ចរាចរណ៍ផ្លូវគោកកើនឡើង១១ករណីប្រៀបនឹងឆ្នាំមុន។ គឺឆ្នាំ២០១៣ មាន ៧ករណី ដល់ឆ្នាំ២០១៤ មាន១៨ករណី។ នគរបាលខិតខំផ្សព្វផ្សាយទប់ស្កាត់និង ពង្រាយកម្លាំងតាមគោលដៅតែអ្នកបើកបរយានយន្តគ្រោះថ្នាក់យ៉ាងច្រើន តែអ្នកបើកបរធ្វេសប្រហែសច្រើន ។
លោកសួន នីប៉ូ នាយការិយាល័យ នគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តបន្ទាយមានជ័យ ប្រាប់គេហទំព័រ CEN ថ្ងៃទី១៧ មេសាថា "ចំនួនគ្រោះថ្នាក់ចរាចរណ៍ផ្លូវគោកអំឡុងចូលឆ្នាំមមីនេះ មាន ១៨ករណី ដែលច្រើនជាងគេនៅស្រុកមង្គលបូរីនិងព្រះនេត្រព្រះ។ ក្នុងនោះមានប្រភេទធ្ងន់១៥ករណី ហើយបង្កស្លាប់មនុស្ស៤នាក់ (ស្រី៣នាក់) របួសធ្ងន់២៥ករណី ស្រាល១៧ករណី។ ខូចខាត មធ្យោបាយធ្វើដំណើរធ្ងន់ធ្ងរ ១២គ្រឿង , ស្រាល៥គ្រឿង។ ធៀបនឹងចូលឆ្នាំខ្មែរឆ្នាំម្សាញ់ គ.ស ២០១៣ គ្រោះថ្នាក់ចរាចរណ៍មានតែ ៧ករណី ស្លាប់២នាក់ និងរបួសធ្ងន់ស្រាល , ខូចខាតសម្ភារៈ ក៏តិចជាងឆ្នាំ២០១៤ នេះដែរ។
លោក សួន នីប៉ូ បន្តថា: ការកត់សម្គាល់គឺគ្រោះថ្នាក់ចរាចរណ៍អំឡុងចូលឆ្នាំ មមី មានមូលហេតុច្រើនជាងគេ គឺ បញ្ហាល្បឿនលឿន ៤ករណី ជែងក្នុងស្ថានភាពគ្រោះថ្នាក់ ១ករណី , មិនគោរពសិទ្ធិអាទិភាព ៣ករណី , បត់ឆ្វេងមិនប្រយ័ត្ន ២ករណី , បើកបរមិនប្រកាន់ស្ដាំ ២ករណី និង បច្ចេកទេសយានយន្ត ២ករណី ៕L
Blogger Comment
Facebook Comment