ប្រភព CEN
ដោយបន្ទរតាមភាពយន្តដ៏ល្បីរឿង Runaway Bride (កូនក្រមុំរត់ចោលកូនកំលោះ) កសិករចិនចំនួន ៧ នាក់មកពីតំបន់ដូចគ្នាឥឡូវត្រូវបានពួកនាងធ្វើឲ្យនៅលីវបន្ទាប់ពីកូនក្រមុំរកបានតាមអ៊ីមែលរបស់ពួកគេទាំងអស់បានចាកចេញពីចិនជាមួយគ្នា។
ទោះយ៉ាងណា ពួកគេព្រាត់គ្នារាងល្អមើលជាងបុរសក្នុងភាពយន្តឆ្នាំ ១៩៩៩ នេះទៅទៀត ដែលក្នុងរឿងនេះតួស្រី Maggie Carpenter សម្តែងដោយនាង Julia Roberts បានរត់ចោលកូនកំលោះជាច្រើននាក់នៅព្រះវិហារ។
កសិករទាំងនេះយ៉ាងហោចណាស់ក៏បានរៀបការជាមួយស្រីៗដែលពួកគេទិញពីវៀតណាមដែរ។ ប៉ុន្តែចំណងអាពាហ៍ពិពាហ៍របស់ពួកគេមិនមានរយៈពេលយូរនោះទេ ដោយពួកនាងៗបានរត់ចោលបន្ទាប់ពីរៀបការទើបតែបាន ៧ ថ្ងៃ។ ដោយបន្ទរតាមភាពយន្តដ៏ល្បីរឿង Runaway Bride (កូនក្រមុំរត់ចោលកូនកំលោះ) កសិករចិនចំនួន ៧ នាក់មកពីតំបន់ដូចគ្នាឥឡូវត្រូវបានពួកនាងធ្វើឲ្យនៅលីវបន្ទាប់ពីកូនក្រមុំរកបានតាមអ៊ីមែលរបស់ពួកគេទាំងអស់បានចាកចេញពីចិនជាមួយគ្នា។
ទោះយ៉ាងណា ពួកគេព្រាត់គ្នារាងល្អមើលជាងបុរសក្នុងភាពយន្តឆ្នាំ ១៩៩៩ នេះទៅទៀត ដែលក្នុងរឿងនេះតួស្រី Maggie Carpenter សម្តែងដោយនាង Julia Roberts បានរត់ចោលកូនកំលោះជាច្រើននាក់នៅព្រះវិហារ។
ការរត់ចោលដ៏អាម៉ាសនេះបានធ្វើឲ្យកសិករទាំង ៧ នាក់អស់លុយរលីងពីខ្លួន ខណៈពួកគេម្នាក់ៗបានឲ្យលុយទៅប្រពន្ធម្នាក់ ៥ ម៉ឺនយ័ន (៨.៤៣៤,៥០ ដុល្លារ)។
យោងតាមអាជ្ញាធរមូលដ្ឋាន បុរសៗដែលងាយចាញ់បោកគេទាំងនេះគឺជាករណីចុងក្រោយបំផុតនៃបុរសដែលចង់បានប្រពន្ធជាខ្លាំង ភាគច្រើនមកពីតំបន់ជនបទ ដែលជឿថាពួកគេអាចទិញស្នេហាបានតាមអ៊ីនធឺណេត។
វេបសាយទាំងនោះបង្ហាញនូវនារីគួរឲ្យចាប់អារម្មណ៍ជាច្រើននាក់ និងសន្យាផ្តល់នូវជំនាញមើលផ្ទះ និងចំអិនអាហារ ប៉ុន្តែពួកមន្ត្រីចិនបានព្រមានថានៅទីបញ្ចប់ ពួកស្រីៗទាំងអស់នោះគឺសុទ្ធតែត្រូវបានគ្រប់គ្រងដោយទីភ្នាក់ងារពាណិជ្ជកម្មលោភលន់ ដែលឲ្យប្រាក់កំរៃជើងសារសម្រាប់ចំនួនបុរសដែលពួកនាងបានរៀបការជាមួយ។
បុរសឈ្មោះ ហ៊ូ ផេង អាយុ ៤៦ ឆ្នាំ គឺជាបុរសម្នាក់ស្ថិតក្នុងចំណោម ៧ នាក់ក្នុងខេត្តជាំងស៊ីភាគខាងត្បូងប្រទេសចិន ដែលបានធ្លាក់ខ្លួនជាជនរងគ្រោះរបស់ពួកស្រីកញ្ជ្រោងញីរវៀតណាមទាំងនេះ។ ហើយឥឡូវនេះ ប្រពន្ធថ្មីរបស់លោកក៏ដូចជាកូនក្រមុំដទៃទៀតបានបាត់ស្រមោលអស់ហើយ។
លោកផេងនិយាយថា "ការយកស្រីពីវៀតណាមគឺពេញនិយមខ្លាំងណាស់នៅទីនេះ។ ស្រីៗទាំងនោះត្រូវគេចាត់ទុកថាស្មោះត្រង់ ចិត្តល្អ សុភាពរាបសា និង ពូកែការងារផ្ទះណាស់។ វាលំបាកណាស់ក្នុងការរកនារីចិនម្នាក់។ គោលនយោបាយកូនមួយដ៏តឹងតែងមានន័យថាគ្រួសារចិនភាគច្រើនចង់បានតែកូនប្រុសប៉ុណ្ណោះ"។
គោលនយោបាយនេះបានបណ្តាលឲ្យមានចំនួននៃការសម្លាប់កូនស្រីទើបកើតកើនឡើងយ៉ាងខ្លាំង និងបង្ខំឲ្យមានការរំលូតកូនក្នុងប្រទេសនេះចាប់តាំងពីគោលនយោបាយនេះត្រូវបានណែនាំក្នុងឆ្នាំ ១៩៧៩ មក។
លោកផេងបានបន្តថា "ខ្ញុំរកបាននារីទាំងនេះតាមរយៈទីភ្នាក់ងារមួយ ហើយខ្ញុំគិតថានាងគឺគួរឲ្យស្រឡាញ់ណាស់។ យើងបានរៀបការជាមួយគ្នាក្រោយពីនាងត្រូវបានណែនាំឲ្យស្គាល់ទើបបានពីរថ្ងៃ។ ខ្ញុំបានខ្ចីលុយគេដើម្បីបង់ឲ្យទីភ្នាក់ងារនេះចំនួន ៥ ម៉ឺនយ័ន"។
"ក្នុងពេលតែប៉ុន្មានថ្ងៃអ្វីៗគឺពោរពេញដោយក្តីរីករាយណាស់។ ខ្ញុំបានចេញទៅធ្វើការ ហើយទុកនាងនៅផ្ទះឲ្យដេរប៉ាក់ សម្អាតផ្ទះ និងរៀបចំអាហារពេលល្ងាច។ ខ្ញុំគិតថាអ្វីៗគឺកើតឡើងដូចសព្វមួយដងអញ្ជឹង។ ខ្ញុំដឹងថាប្រពន្ធរបស់ខ្ញុំរួសរាយរាក់ទាក់ជាមួយកូនក្រមុំដទៃទៀតក្នុងតំបន់នេះ។ នាងបាននិយាយថា នៅថ្ងៃជួបជុំគ្នារបៀបនេះពួកនាងនឹងចេញទៅទិញឥវ៉ាន់ជាមួយគ្នា។ ប៉ុន្តែនៅថ្ងៃនោះនាងមិនដែលវិលត្រឡប់មកផ្ទះវិញទេព្រមទាំងកូនក្រមុំដទៃទៀតផងដែរ"។
លោក និងកូនកំលោះដទៃទៀតដែលចាញ់បោកពួកនាងៗឥឡូវបានរាយការណ៍អំពីការបាត់បង់ទ្រព្យសម្បតិ្តរបស់ពួកគេដល់ប៉ូលិសហើយៗពួកគេកំពុងចាប់ផ្តើមបើកការស៊ើបអង្កេត៕
Blogger Comment
Facebook Comment