ភ្នំពេញ: សម្តេចនាយករដ្ឋមន្ត្រី ហ៊ុន សែន បានគូសបញ្ជាក់ជាថ្មីថា កម្ពុជាមិនអនុញ្ញាតឲ្យ ជនបរទេសណាម្នាក់ យកទឹកដីកម្ពុជា ដើម្បីបង្កើតចលនា ប្រឆាំងនឹងរដ្ឋាភិបាលបរទេស ណាមួយទេ។ ពោលគឺ កម្ពុជាមិនអនុញ្ញាតឲ្យ លោកថាក់ ស៊ីន ឬ លោកស្រី យីងឡាក់ បង្កើតរដ្ឋាភិបាលនិរទេស លើទឹកដីកម្ពុជាបានឡើយ។
សម្តេច ហ៊ុន សែន បានថ្លែងដូច្នេះ ក្នុងពិធីចែកសញ្ញាប័ត្រ ដល់និស្សិតបញ្ចប់ការ សិក្សា មកពីសកលវិទ្យាល័យ ភូមិន្ទភ្នំពេញ នាព្រឹកថ្ងៃទី២៧ ឧសភា នៅមជ្ឈមណ្ឌលកោះពេជ្រ។
សម្តេចនាយករដ្ឋមន្ត្រី ហ៊ុន សែន បានលើកឡើងថា ទោះបីជាមិត្តភាព រវាងសម្តេច និងលោក ថាក់ស៊ីន ជ្រាលជ្រៅ និងជិតស្និទ្ធយ៉ាងណាក៏ដោយ ក៏ច្បាប់របស់កម្ពុជា មិនអនុញ្ញាតឲ្យរដ្ឋាភិបាលកម្ពុជា យល់ព្រមឲ្យលោកថាក់ស៊ីន បង្កើតរដ្ឋាភិបាលនិរទេស លើទឹកដីកម្ពុជា បានឡើយ។
សម្តេចនាយករដ្ឋមន្ត្រី ក៏បានក្រើនរម្លឹក ដល់មេធាវីបរទេស របស់លោកថាក់ស៊ីន កុំឲ្យផ្តល់គំនិតយោបល់ ក្នុងការបង្កើតរដ្ឋាភិបាលនិរទេស ពិសេសការប៉ុនប៉ងយកកម្ពុជា ធ្វើជាមូលដ្ឋាន។ ជាគំនិតយោបល់ ដែលសម្តេច ហ៊ុន សែន ចាត់ទុកថា នាំឲ្យមានគ្រោះថ្នាក់បន្ថែមទៀតដល់លោកថាក់ស៊ីន និងលោកស្រី យីងឡាក់ អតីតនាយក រដ្ឋមន្ត្រីថៃ៕V/s
Blogger Comment
Facebook Comment