បុរសម្នាក់ទៀតសន្លប់បាត់ស្មារតី ដោយសារឆក់ចរន្តអគ្គិសនី iPhone

ចិន៖ កាលពីលើកមុន Khmer-note ធ្លាប់បានចុះផ្សាយ​រួចម្តង​មកហើយ​ពី នារីម្នាក់បានឆក់សា្លប់ដោយសារទូរស័ព្ទ iPhone ឥឡូវ​នេះ​មានករណីឆក់ចរន្តអគ្គិសនីដោយសារ iPhone មួយទៀតហើយ ដែលបណ្តាលអោយបុរសម្នាក់សន្លប់បាត់ស្មារតី។ លោក Wu Jiantong អាយុ៣០ឆ្នាំ រស់នៅក្នុងទីក្រុង Beijing បានសន្លប់បាត់ស្មារតីកាលពីវេលាម៉ោង១០យប់ ថ្ងៃច័ន្ទ កន្លងទៅ ក្រោយពី​គាត់​យក​ទូរស័ព្ទ iPhone 4 របស់គាត់ទៅដោតសាកថ្ម។

បុរសនោះបានស្រែកអោយគេជួយ ហើយក៏បានដួលលើដី ភ្លាមនោះ​បង​ស្រី​បុរស​រងគ្រោះបានប្រញាប់ដកឆ្នាំងសាកនោះចេញ ដែលតាមប្រភពពត៌មានបានអោយដឹងថា ឆ្នាំងសាកនោះមិនមែនជាឆ្នាំងសាក Original របស់ក្រុមហ៊ុន Apple ឡើយ។

 ហេតុការណ៍នេះបានកើតឡើងមួយសប្តាហ៍ ក្រោយពីនារីម្នាក់​បាន​ស្លាប់​ដោយ​សារ​ឆក់​ចរន្ត​អគ្គិសនី iPhone 5 ខណៈពេលដែលនាងនិយាយទូរស័ព្ទពេលកំពុងសាកថ្ម។ សូមប្រុងប្រយ័ត្នរាល់ពេលសាកថ្មទូរស័ព្ទរបស់អ្នកទាំងអស់គ្នា។
Khmer-note

បងស្រីរបស់លោក Wu កំពុងអង្គុយយំក្នុងមន្ទីរពេទ្យ(ខាងឆ្វេង), និងទូរស័ព្ទដែលធ្វើ​អោយ​គាត់​ឆក់​សន្លប់​បាត់​ស្មារតី​(ខាងស្តាំ)

Share on Facebook Share on Twitter Share on Google Plus