ភ្នំពេញ: រថយន្តកាមរី (ហើម) បើកបុករះរនាំងដែកចែកទ្រូងផ្លូវទាំងកំរោលបាក់ ៥ផ្ទាំង និងទ្រេត៣ផ្ទាំង ហើយរថយន្តនៅមិនទាន់អស់ល្បឿន បានជ្រុលឡើងចិញ្ចើមផ្លូវបុកបាក់ដើមក្ងោកមួយដើមទៀត ទៅមុខលែងរួច។
ហេតុការណ៍នេះ បានកើតឡើងកាលពីវេលាម៉ោង ១១ យប់ថ្ងៃទី១៤ វិច្ឆិកា ២០១៣ ស្ថិតនៅតាមផ្លូវសហព័ន្ធរុស្ស៊ី សង្កាត់កាកាប ខណ្ឌពោធិ៍សែនជ័យ។
សមត្ថកិច្ចប្រាប់ថា រថយន្តកាមរី គូទប៉ោង ពណ៌ស្ករ ពាក់ស្លាកលេខ ភ្នំពេញ 2A-9356 បើកបរដោយបុរសម្នាក់ ទំនងជាស្រវឹងស្រា ធ្វើដំណើរតាមផ្លូវសហព័ន្ធរុស្ស៊ី ក្នុងទិសដៅពីកើតទៅលិច ខណៈមកដល់ចំណុចក្បែរប៉ុស្តិ៍កាកាប បានជ្រុលល្បឿនបុករនាំងដែកពុះចែកទ្រូងផ្លូវបាក់អស់៥ផ្ទាំង និងទ្រេត៣ផ្ទាំង និងបានជ្រុលឡើងចិញ្ចើមផ្លូវបុកបាក់ដើមក្ងោកមួយដើមទៀត ទៅមុខលែងរួច។
ក្រោយកើតហេតុ សមត្ថកិច្ចវាស់វែងយករថយន្ត ទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ ដើម្បីធ្វើការដោះស្រាយតាមផ្លូវច្បាប់៕
រថយន្តកាមរី (ហើម) ទំនងជាម្ចាស់ស្រវឹងបានបើកបុករះរនាំងដែកចែកទ្រូងផ្លូវទាំងកំរោលបាក់ ៥ផ្ទាំង និងទ្រេត៣ផ្ទាំង ហើយរថយន្តនៅមិនទាន់អស់ល្បឿន បានជ្រុលឡើងចិញ្ចើមផ្លូវបុកបាក់ដើមក្ងោកមួយដើមទៀត ទៅមុខលែងរួច
សមត្ថកិច្ចបានចុះវាស់វែង ហើយរនាំងដែកចេញពីលើទ្រូងផ្លូវ មកដាក់លើចិញ្ចើមផ្លូវដើម្បីសម្រួលចរាចរកុំឲ្យកកស្ទះ
Blogger Comment
Facebook Comment