ភ្នំពេញ: បុរសម្នាក់២នាក់ ធ្វើសកម្មភាពឆក់ខ្សែកមិនបានសម្រេច ត្រូវសមត្ថកិច្ចឃាត់ខ្លួនបានម្នាក់ កាលពីវេលាម៉ោងជាង៩យប់ ថ្ងៃទី១ ខែវិច្ឆិកា ឆ្នាំ២០១៣ នៅចំណុចផ្លូវលេខ១៦៣ ក្នុងសង្កាត់អូឡាំពិក ខណ្ឌចំការមន។ជនល្មើសឈ្មោះ ជា តារ៉ា ភេទប្រុស អាយុ២៦ឆ្នាំ ស្នាក់នៅផ្ទះលេខ១៣០ ផ្លូវលេខ១២៨ សង្កាត់មនោរម្យ ខណ្ឌ៧មករា។ ចំណែកបក្ខពួកដែលរត់គេចខ្លួនបាត់ ឈ្មោះ រឿន ភេទប្រុស អាយុប្រហែល២០ឆ្នាំ មុខរបរគ្មាន ភិនភាគខ្មៅស្រអែម កំពស់ប្រហែល ១,៥៩ ម៉ែត្រ។
ជនរងគ្រោះឈ្មោះ រ៉ៃ យ៉ា ភេទប្រុស អាយុជាង ៣០ឆ្នាំ បានឲ្យដឹងថា មុនពេលកើតហេតុ ខ្លួនបានជិះម៉ូតូទៅផ្ទះ ស្រាប់តែមានបុរស២នាក់ជិះម៉ូតូម៉ាក Fino ពណ៌ស ពាក់ស្លាកលេខភ្នំពេញ 1AO-9018 បើកពីក្រោយមកអែបធ្វើសកម្មភាពឆក់ខ្សែរកផ្លាកទីន ទម្ងន់ ១ តម្លឹងរបស់ខ្លួន តែមិនបានសម្រេច ហើយក៏ត្រូវសមត្ថកិច្ចចាប់ខ្លួន បានម្នាក់ រត់រួចម្នាក់។ជនសង្ស័យកំពុងធ្វើការសាកសួរ នៅអធិការដ្ឋាន នគរបាលខណ្ឌចំការមន ដើម្បីកសាងសំណុំរឿងបញ្ជូនទៅតុលារការ៕
Blogger Comment
Facebook Comment