ភ្នំពេញ: នគរបាលប៉ុស្តិ៍ទួលទំពូង១ បានចាប់សិស្សម្នាក់ដែលដែលបានធ្វើសកម្មភាពឆក់ទូរស័ព្ទ iPhon 4 ពីយុវជនម្នាក់ កាលពីថ្ងៃទី១ខែវិច្ឆិកាឆ្នាំ២០១៣ នៅផ្លូវ១៣៥ សង្កាត់ទួលទំពូង១ ខណ្ឌចំការមន។
ជនសង្ស័យឈ្មោះ ជា ច័ន្ទរតនា ភេទប្រុស អាយុ១៧ឆ្នាំ ជាសិស្សថ្នាក់ទី១២ សាលាបញ្ញាសាស្ត្រ ស្នាក់នៅផ្ទះលេខ៣៤០ ផ្លូវ៣៧០ សង្កាត់បឹងកេងកងទី១ ខណ្ឌចំការមន។ ជនសង្ស័យបានជិះម៉ូតូ ស៊ុយសូគីនិច រួមជាមួយបក្ខពួកម្នាក់ទៀតដែលគេចខ្លួនបាត់ គឺឈ្មោះ តាំង វណ្ណនិត ភេទប្រុស អាយុ២០ឆ្នាំ ស្នាក់នៅផ្ទះលេខ៣៩២ ផ្លូវ៣៦០ សង្កាត់បឹងកេងកងទី១ ខណ្ឌចំការមន។
ចំណែកជនរងគ្រោះឈ្មោះវុន ស្រីមួយ ភេទស្រី អាយុ២០ឆ្នាំ ស្នាក់នៅផ្ទះលេខ១៣L ផ្លូវលំ សង្កាត់ទឹកថ្លា ខណ្ឌសែនសុខ ជានិស្សិតសាកលវិទ្យាល័យភ្នំពេញ។
ជាមួយករណីនេះ នគរបាលប៉ុស្តិ៍ទួលទំពូង១ បានប្រគល់ទូរស័ព្ទដៃ iPhon 4 ជូនម្ចាស់ដើមវិញ។
របាយការណ៍ប៉ូលិសបានឲ្យដឹងថា ជនរងគ្រោះនិងប្តី បានជិះម៉ូតូចេញពីផ្សារបឹងកេងកង ឆ្ពោះទៅផ្សារទួលទំពូង មកដល់កន្លែងកើតហេតុ ស្រាប់តែមានជនល្មើស២នាក់ជិះម៉ូតូ១គ្រឿងមកអែប ហើយឆក់យកទូរស័ព្ទបានសម្រេច។ ក្នុងពេលប្តីរបស់ជនរងគ្រោះបានជិះម៉ូតូដេញតាមទាន់ ចាប់បានជនសង្ស័យម្នាក់ ឈ្មោះ ជា ច័ន្ទរតនា យកមកប្រគល់ឲ្យប៉ូលិស។ ចំណែកបក្ខចោរម្នាក់ទៀតគេចខ្លួនបាត់៕
Blogger Comment
Facebook Comment