ភ្នំពេញ: យុវជនម្នាក់ត្រូវប៉ូលិសឃាត់ខ្លួន បន្ទាប់ពីផឹកស្រាស្រវឹង ហើយប្រច័ណ្ឌមិត្តស្រីរបស់ខ្លួនទៅនឹងបុរសផ្សេង។ ដែលហេតុការណ៍ប្រើអំពើហិង្សាខាងលើនេះ កើតឡើងកាលពីវេលាម៉ោង១រសៀលថ្ងៃទី១៨វិច្ឆិកានេះ នៅចំណុចផ្លូវជាតិលេខ៤ ច្រកចូលផ្លូវលំក្លោងទ្វារវត្តតាភេន សង្កាត់កំបូល ខណ្ឌពោធិ៍សែនជ័យ។
ប៉ូលិសប៉ុស្តិ៍កំបូលបានឲ្យដឹងថា ជនដៃដល់ឈ្មោះប៊ុន សុធា អាយុ២៥ឆ្នាំ មុខរបរកម្មករសំណង់ ស្នាក់នៅភូមិ-សង្កាត់ត្រពាំងក្រសាំង ខណ្ឌពោធិ៍សែនជ័យ ត្រូវប៉ូលិសឃាត់ខ្លួន។ ចំណែកមិត្តស្រីរងនូវអំពើហិង្សាឈ្មោះ ថាច់ អៀង អាយុ២៤ឆ្មាំ មុខរបរកម្មករសំណង់ ស្នាក់នៅភូមិជាមួយគ្នា រងរបួសមុខមាត់។ ដកហូតម៉ូតូជិះធ្វើសកម្មភាពម៉ាក Smash ពណ៌ខ្មៅ ស្លាកលេខភ្នំពេញ 1BM-8993។
ប៉ូលិសបន្តថា ដំបូងពួកគេជិះម៉ូតូឌុបគ្នាទៅផឹកស៊ីជាមួយមិត្តភក្តិរហូតដល់ស្រវឹង ហើយបានប្រច័ណ្ឌមិត្តស្រីរបស់ខ្លួនៅនឹងបុរសផ្សេង រួចក៏នាំគ្នាជិះម៉ូតូត្រឡប់មកផ្ទះវិញ។ នៅតាមផ្លូវពួកគេឈ្លោះប្រកែកពាក្យសម្តីគ្នារហូត លុះមកដល់ក្លោងទ្វារវត្តតាភេន ក៏ឈប់ម៉ូតូ ហើយវាយនិងទាត់ធាក់មិត្តស្រីរបស់ខ្លួនប៉ងមុខមាត់។ ឃើញដូច្នេះអ្នករត់ម៉ូតូឌុបក៏ជួយឃាត់ និង ប្តឹងប៉ូលិស។
ភ្លាមៗនោះប៉ូលិសក៏ចុះធ្វើអន្តរាគមន៍ដេញចាប់បានជនដៃដល់នៅម្តុំត្រពាំងទួល ចងស្លាបសេក (អត់មានខ្នោះ) រួចបញ្ជូនទៅប៉ុស្តិ៍។ នៅទីនោះឳពុក ម្តាយពួកគេទាំងសងខាងជួបគ្នា ជេរគ្នាផ្អើលពេញប៉ុស្តិ៍ប៉ូលិស៕
ពួកគេទាំងពីរនាក់កំពុងអង្គុយចរាចគ្នានៅប៉ុស្តិ៍ប៉ូលិស ក្រោយពេលសង្សារប្រុសវាយមិត្តស្រីនៅតាមផ្លូវ ដោយសារប្រច័ណ្ឌ
ប៉ូលិសកំពុងចងដៃជនល្មើស ដែលវាយមិត្តស្រី ក្នុងរឿងប្រច័ណ្ឌ ក្រោយពេលផឹកស្រាស្រវឹង(រូបពាក់អាវខ្មៅ)
នារីរងគ្រោះ ថាច់ អៀង ត្រូវសង្សារវាយប៉ោងមុខ
Blogger Comment
Facebook Comment