ខេត្តសៀមរាប ៖ និស្សិតសាលា បៀលប្រាយឆ្នាំទី១ ចំនួន ២នាក់ ត្រូវឡានកាមរីគូទប៉ោង បើកបុកពីក្រោយ ប៉ើងដូចស្លឹកកណ្តប ខ្ទាតចេញពីម៉ូតូ ធ្លាក់ទៅកៀនចិញ្ចើមផ្លូវ បណ្តាលឲ្យបែកក្បាលរងរបួសធ្ងន់ ខណៈដែលពួកគេ ជិះម៉ូតូទៅហូបអាហារ នៅឃ្យុងយូ កាលពីវេលាម៉ោង ៩និង០០ នាទីយប់ថ្ងៃទី០៧ ខែមករា ឆ្នាំ២០១៤ ស្ថិតនៅតាម ផ្លូវ ៦០ម៉ែត្រក្នុង ភូមិចុងកៅស៊ូ សង្កាត់ស្លក្រាម ក្រុង/ខេត្ត សៀមរាប។
រថយន្តបង្កហេតុ ម៉ាកកាមរី ពណ៌ខ្មៅ បានបើករត់បាត់ស្រមោល បើកបរតាមផ្លូវលេខ ៦០ ពីជើងមកត្បូង ឡើងវ៉ាទៅបុកជាមួយម៉ូតូ សេ១២៥ ពណ៌ខ្មៅ ស៊េរីឆ្នាំ២០១២ ពាក់ស្លាកលេខ 1K-9648 សៀមរាប របស់ជនរងគ្រោះ ដែលជិះគ្នា ២នាក់។ អ្នកឌុបឈ្មោះ សុភក្ត្រ័ ភេទប្រុស អាយុ ២៣ឆ្នាំ រៀននៅសាលា បៀលប្រាយឆ្នាំទី១ ជាមួយគ្នា រដរបួសស្រាល និងអ្នកជិះពីក្រោយឈ្មោះ ណុប នីន ភេទប្រុស អាយុ ២២ឆ្នាំស្នាក់នៅ ជាមួយគ្នា របួសធ្ងន់បែកក្បាល ត្រូវបានមិត្តភក្តិ ហៅឡានពេទ្យដឹក យកទៅសង្គ្រោះភ្លាមៗ៕
Blogger Comment
Facebook Comment