ភ្នំពេញ: តារាចម្រៀងស្រីម្នាក់ត្រូវសមត្ថកិច្ចឃាត់ខ្លួនកាលពីវេលាម៉ោងប្រមាណ៤រសៀលថ្ងៃទី១៨មករានេះ នៅចំណុចផ្ទះលេខ៨៨អឺ០ផ្លូវលេខ២ក្នុងបូរីពិភពថ្មី ផ្លូវវេងស្រេងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យជាប់ចោទពីបទនាំកុមារីមិនទាន់គ្រប់អាយុឲ្យតាតាស៊ីពងក្រហម។
ប្រភពពីសមត្ថកិច្ចបានឲ្យដឹងនៅជំហានដំបូងថា ស្ត្រីតារាចម្រៀងឈ្មោះអ៊ូ រស្មី ស្នាក់នៅផ្ទះខាងលើ បានល្បួងកុមារីអាយុ១៤ឆ្នាំម្នាក់ឲ្យលោកតាម្នាក់អាយុ៦០ឆ្នាំដេក២យប់២ថ្ងៃ(១៤ដល់១៥-០១-២០១៤) ដោយសន្យាថា”…បន្ទាប់ពីដេកជាមួយតាតារួចនឹងនាំនាងឡើងច្រៀងតាមទូរទស្សន៍ឲ្យល្បី ” ។ ប្រភពមិនបានបញ្ជាក់លម្អិតអំពីចំនួនទឹកប្រាក់តម្លៃប៉ុន្មាន? ហើយតាតាអាយុ៦០ឆ្នាំជាបុរសមួយណានោះទេ?
ប្រភពបន្តថា បន្ទាប់ពីដេកជាមួយតាតារួចមក អ៊ូ រស្មីមិនបានគោរពតាមការសន្យា ទើបកុមារីរងគ្រោះដាក់ពាក្យបណ្តឹងដល់ប៉ូលិសការិយាល័យប្រឆាំងការជួញដូរមនុស្សនិងការពារអនីតិជនរាជធានីភ្នំពេញ ហើយឈានដល់ការឃាត់ខ្លួនជនសង្ស័យ និង ស្ត្រីអ្នកបម្រើម្នាក់ទៀត រួចបញ្ជូនទៅកាន់ការិយាល័យសាកសួរបន្តតាមនីតិវិធីច្បាប់៕T/c
Blogger Comment
Facebook Comment