នៅរសៀលថ្ងៃទី ៤ មការា ២០១៤ មានហាងទំនិញ ផ្ទះប្រជាពលរដ្ឋ និងក្រុមហ៊ុនឯកជននានាបានបិទទ្វា ក្រោយពេលក្រុមសមត្ថកិច្ចជាង១ពាន់នាក់បានព័ទ្ធទីលានប្រជាធិបតេយ្យ និងបណ្តេញក្រុមបាតុករចាកចេញពីទីលានដោយក្រុមដែលមានពាក់កន្សែងក្រហមនៅនឹងដៃ។
សូមបញ្ជាក់ថា នៅវេលាម៉ោង ១១៖៣០នាទីព្រឹកថ្ងៃទី៤ មករា ២០១៤ កងកំលាំងចំរុះប្រមាណ១ពាន់នាក់បានឡោមព័ទ្ធទីលានប្រជាធិបតេយ្យ ហើយក្រុមដែលពាក់ឯកសណ្ឋានស៊ីវិល ដែលមានពាក់កន្លែងក្រហមនៅនឹងដៃ បានចុះទៅធ្វើសកម្មភាពរុះរើ ជំរំស្នាក់នៅរបស់បាតុករ និងបានបណ្តេញចេញភ្លាមៗ ដោយប្រើប្រាស់ដំបងនិងខែល។
ដោយឡែកតាមបណ្តាហាងទំនិញ កន្លែងរកស៊ីឯកជន ក្រុមហ៊ុនឯកជន និងស្ថាប័នហិរញ្ញវត្ថុមួយចំនួនដែលនៅជុំវិញទិលានប្រជាធិបតេយ្យបានប្រញ៉ាប់ប្រញ៉ាល់បិទទ្វារ និងនៅសំងំក្នុងផ្ទះរៀងៗខ្លួន។ មានមនុស្សម្នាជាច្រើន ដែលគេពុំដឹងថាជាក្រុមបាតុករដែលបានបំបែកគ្នា រឺក្រុមមនុស្សដែលចង់ដឹងស្ថានភាពពិតនោះទេ កំពុងបន្តផ្តុំគ្នានៅតាមច្រកចូលនានា ក្រោមការសង្កេតមើលយ៉ាងយកចិត្តទុកដាក់ពីកំលាំងសន្តិសុខ។
ប្រជាពលរដ្ឋជាច្រើនដែលររស់នៅតំបន់ជុំវិញនោះ កំពុងមានការព្រួយបារម្ភអំពីសន្តិសុខ ដែលគេមិនអាចស្មានបាន ព្រោះគេនៅតែបន្តឃើញការបន្ថែមកំលាំងជាបន្តបន្ទាប់ ដែលមានទាំងអាវុធគ្រប់ៗដៃផងដែរ។
ពាក់ព័ន្ធនិងលោក សម រង្ស៊ី និងលោកកឹម សុខា ត្រូវបានអ្នករាយការណ៌តាមបណ្តាញសង្គមហ្វេសប៊ុកថា បានកំពុងស្ថិតនៅក្នុងស្ថានទូតសហរដ្ឋអាមេរិក តែពត៌មាននេះមិនត្រូវបានបញ្ជាក់ច្បាស់ការនោះទេ៕
Blogger Comment
Facebook Comment