រហូតមកដល់ពេលនេះ តាមសេចក្តីរាយការណ៌ពីសារពត៌មាននានា បានឲ្យដឹងថា នៅតំបន់ផ្លូវវេងស្រេងបានវិលមករកសភាពស្ងប់ស្ងាត់វិញហើយ ប៉ុន្តែតំបន់នោះនៅពុំទាន់មានសភាពអ៊ូអរដូចមុននោះទេ។
កាលពីល្ងាចថ្ងៃទី៣ មករា ២០១៤ អាជ្ញាធរបានប្រកាស់ដាក់បំរាមគោចរទៅកាន់តំបន់សួនឧស្សាហកម្មកាណាឌីយ៉ា ជាពិសេសលើកំណាត់ផ្លូវវេងស្រេងកន្លែងដែលមានអំពើកុបកម្មកើតកើងឡើង និងម្យ៉ាងទៀត សមត្ថកិច្ចថែមទាំងបានដាក់តំបន់នោះជាតំបន់អសន្តិសុខទៀតផង។
នៅតាមបណ្តោយផ្លូវវេងស្រេងជិតតំបន់នោះ ប្រជាពលរដ្ឋដែលមិនមានពាក់ព័ន្ធបានជល្លៀសចេញ តែប្រជាពលរដ្ឋមួយចំនួនទៀតដែលមានផ្ទះនៅជិតជាប់កន្លែងកើតហេតុ បាននិយាយថា ផ្ទះរបស់ពួកគាត់ត្រូវបានគេរុះរើ គាស់ទ្វារ នឹងបានធាក់ទ្វារបំរុងសំរុកចូល ដែលគេដឹងថា ភាគច្រើនគឺសមត្ថកិច្ច និងក្រុមកុបករ ដែលអាចជាជនឆ្លៀតឧិកាស។
រហូតមកដល់ពេលនេះ មិនទាន់មានស្ថាប័នណាចេញមកធ្វើការបូកសរុបពីផលប៉ះពាល់ថាមានទំហំ និងតំលៃប៉ុណ្ណានោះទេ តែគេដឹងថា យ៉ាងហោចណាស់មានមនុស្ស៤នាក់ ដែលក្នុងនោះមានយុវសិស្សស្រីម្នាក់ បានស្លាប់ដោយគ្រាប់កាំភ្លើងប៉ូសីល និងមានមនុស្សចំនួន ៣៧នាក់ផ្សេងទៀតរងរបួសធ្ងន់និងស្រាល។
ចំនែកភាគី ខាងសមត្ថិកិច្ច ក៏មានរងរបួសធ្ងន់និងស្រាល ដោយសារការគប់ដុំថ្ម អំបែងដប និងដបភ្លើងពីសំណាក់កុបករ អ្នកខឹងសម្បារ។
ប៉ុន្តែរហូតមកដល់ថ្ងៃទី៤ មករានេះ ស្ថានភាពបានធូរស្រាលឡើងវិញហើយ។ យ៉ាងណាក៏ដោយ សូមប្រិយមិត្តទស្សនាវីដេអូដែលត្រូវបានថត និងផ្សព្វផ្សាយដោយបណ្តាញសារពត៌មាន ភ្នំពេញប៉ុស្តិ៍ ពីសកម្មភាពចុះបង្ក្រាបក្រុមកុបករ និងសកម្មភាពអនាធិបតេយ្យមួយចំនួនរបស់ក្រុមកុបករ ដែលគេបានហៅថា ក្រុមអ្នកខឹងសម្បារ៕
Blogger Comment
Facebook Comment