ភ្នំពេញ: រថយន្តស៊េរីទំនើប២គ្រឿងបុកគ្នាពេញទំហឹងនៅចំណុចផ្លូវកែង បណ្តាលឲ្យរងការខូចខាតទាំងស្រុង ទាំងសងខាង ចំណែករថយន្ត ១គ្រឿង នៅមិនទាន់អស់ល្បឿនបានជ្រុលទៅប៉ះរថយន្តម៉ែកសឺដែស ១គ្រឿងទៀត បែកកង់ឈប់ចតអែបចិញ្ចើមផ្លូវ រងការខូចខាតមួយចំហៀងបន្ថែមទៀត តែសំណាងល្អមិនបណ្តាលឲ្យមានអ្នករងរបួស។
ហេតុការណ៍គ្រោះថ្នាក់ចរាចរនេះ បានកើតឡើងកាលពីវេលាម៉ោងជិត១០ យប់ថ្ងៃទី១០ កុម្ភៈ ២០១៤ នៅតាមបណ្តោយផ្លូវលេខ១១៤កែងផ្លូវលេខ១០៩ ស្ថិតក្នុងសង្កាត់មនោរម្យ ខណ្ឌ៧មករា។
ប្រភពព័ត៌មាននៅកន្លែងកើតហេតុប្រាប់ថា មុនពេលកើតហេតុ ឃើញរថយន្ត Range Rover ពណ៌ខ្មៅ ១គ្រឿង អត់មានស្លាកលេខ បើកបរដោយបុរសម្នាក់ ធ្វើដំណើរតាមមហាវិថីសហព័ន្ធរុស្ស៊ី ក្នុងទិសដៅពីលិចទៅកើត ខណៈមកកែងផ្លូវ១០៩ ក៏ជ្រុលប៉ះរថយន្ត Range Rover ពណ៌ខ្មៅ ១គ្រឿង ពាក់ស្លាកលេខ ភ្នំពេញ 2V-0709 ពេញទំហឹងបណ្តាលឲ្យរថយន្តទាំងពីរគ្រឿងខូចខាតផ្នែកខាងមុខទាំងស្រុង។
ចំណែករថយន្ត Range Rover ១គ្រឿង ដែលអត់មានស្លាកលេខ មិនទាន់អស់ល្បឿន បានជ្រុលទៅបុករថយន្តម៉ែកសឺដែស ពណ៌ខ្មៅ ពាក់ស្លាកលេខភ្នំពេញ 2F.5928 ១គ្រឿងទៀត ដែលបែកកង់ចតនៅចិញ្ចើមផ្លូវ បណ្តាលឲ្យខូចខាតមួយចំហៀង ក្រោយកើតហេតុម្ចាស់រថយន្តបង្កបានរត់គេចខ្លួនបាត់។ ចំណែករថយន្តទាំង ៣គ្រឿង ត្រូវសមត្ថកិច្ចវាស់វែងយកទៅរក្សាទុករងចាំដោះស្រាយគ្នាជាក្រោយតាមផ្លូវច្បាប់៕L
Blogger Comment
Facebook Comment