ភ្នំពេញ: តាមរយៈទំព័រហ្វេសប៊ុកផ្លូវការ របស់កញ្ញា ធី សុវណ្ណថា បានបង្ហាញពីជម្លោះរវាងយុវតីអាយុ ១៩ ឆ្នាំ និងកូនស្រីលោក កឹម សុខា ប្រធានស្តីទីគណបក្សសង្គ្រោះជាតិ កញ្ញា កឹម មនោវិទ្យា ដែលនាំដល់ការប្រកាសមិនទទួលស្គាល់យុវតី ធី សុវណ្ណថា។
ប៉ុន្តែក្នុងសេចក្តីប្រកាស កាលពីព្រលប់ថ្ងៃទី៦ ខែកុម្ភៈ ឆ្នាំ២០១៤ កញ្ញា ធី សុវណ្ណថា អះអាងថា ជម្លោះផ្ទាល់ខ្លួនរវាងនាង និងកូនស្រី លោក កឹម សុខា ត្រូវបានដោះស្រាយរួចរាល់ហើយ។
កញ្ញា ធី សុវណ្ណថា បានសរសេរក្នុងហ្វេសប៊ុករបស់ខ្លួនថា “សេចក្តីបកស្រាយ នាងខ្ញុំធីសុវណ្ណថា ដោយមានជម្លោះផ្ទាល់ខ្លួន ជាមួយកញ្ញា កឹម មនោវិទ្យា កូនលោកអនុប្រធាន កឹម សុខា និងជាអ្នកគ្រប់គ្រងថ្មី Page : I Love Cambodia Hot News II។ ពេលនេះ យើងបានដោះស្រាយបញ្ចប់ជម្លោះរួចរាល់ហើយ យើងរួមគ្នាធ្វើដំណើរបន្ត សង្គ្រោះជាតិយើង”។
កាលពីសប្តាហ៍មុន គណបក្សសង្គ្រោះជាតិ បានចេញសេចក្តីថ្លែងការណ៍ បដិសេធចំៗឈ្មោះ កញ្ញា ធី សុវណ្ណថា ថាមិនជាប់ពាក់ព័ន្ធនឹងគណបក្សសង្គ្រោះជាតិឡើយ។
ប៉ុន្តែភ្លាមៗ សេចក្តីថ្លែងការណ៍មួយផ្សេងទៀត ក៏ត្រូវបានធ្វើឡើង ដោយអ្នកនាំពាក្យគណបក្សសង្គ្រោះជាតិ ដើម្បីសម្រាលស្ថានការណ៍បែកបាក់ផ្ទៃក្នុង រវាងយុវតី ធី សុវណ្ណថា និងក្រុមកូនស្រី លោកកឹមសុខា។
ហេតុការណ៍នោះ បានកើតឡើង ក្រោយពីកញ្ញា ធី សុវណ្ណថា នៅថ្ងៃទី១ ខែកុម្ភៈ ឆ្នាំ២០១៤ បាន Share អត្ថបទព័ត៌មានមួយ ដោយសរសេរបន្ថែមថា លោកសមរង្ស៊ី បានដាក់ពាក្យបណ្តឹងទៅកាន់តុលាការឧក្រិដ្ឋកម្មអន្តរជាតិហើយ កាលពីថ្ងៃទី៣១ ខែមករា ឆ្នាំ២០១៤។ ប៉ុន្តែភ្លាមៗ គណបក្សសង្គ្រោះជាតិ បានថ្លែងការណ៍បដិសេធ។
សេចក្តីថ្លែងការណ៍មួយ ត្រូវបានធ្វើឡើងដោយក្រុមកូនស្រីលោកកឹមសុខា ដោយដាក់ឈ្មោះចំៗ មិនទទួលស្គាល់ កញ្ញា ធី សុវណ្ណថា ជាសកម្មជនយុវជនរបស់គណបក្សប្រឆាំងឡើយ។
ប៉ុន្តែសេចក្តីថ្លែងការណ៍មួយផ្សេងទៀត របស់អ្នកនាំពាក្យគណបក្សសង្គ្រោះជាតិ បានសម្រាលស្ថានការណ៍ ដោយចេញចំឈ្មោះកញ្ញា ធី សុវណ្ណថា នោះឡើយ។
យុវតីអាយុ ១៩ ឆ្នាំ ធី សុវណ្ណាថា មានស្រុកកំណើតនៅក្រុងសួង ខេត្តត្បូងឃ្មុំ ជាកូនអ្នកមាន ជាថៅកែចំការកៅស៊ូ បានចូលរួមយ៉ាងសកម្ម ក្នុងចលនាយុវជនគណបក្សសង្គ្រោះជាតិ ចាប់តាំងពីពេលយុទ្ធនាការឃោសនាបោះឆ្នោត កាលពីខែមិថុនា ឆ្នាំ២០១៣។ យុវតី រៀនថ្នាក់ទី១១ នៅសាលាឯកជន ក្នុងរាជធានីភ្នំពេញ ដែលប្រើប្រាស់ឡានទំនើប បានធ្វើសកម្មជន មនុស្សធម៌ រ៉ៃអង្គាសប្រាក់ ជួយដល់ជនក្រីក្រជាច្រើនផងដែរ៕M/c
.jpg)
.jpg)
Blogger Comment
Facebook Comment