សមត្ថកិច្ច បិទសុំណុំរឿងបឋម ទាក់ទងនឹងចោរលួច ព្រះបរមព្រះសិរីរិកធាតុ បន្ទាប់ពីចាប់បានជនល្មើស និងអ្នកទទួលផលចោរកម្ម

ប្រភព៖ CEN
ភ្នំពេញ: ថ្ងៃទី១០ ខែកុម្ភៈ ឆ្នាំ២០១៤នេះ នៅឯនាយកដ្ឋានកណ្តាល នគរបាលយុត្តិធម៌ នៃក្រសួងមហាផ្ទៃ លោក ម៉ក់ ជីតូ ប្រធាននាយកដ្ឋានកណ្តាលនគរបាលយុត្តិធម៌ បានធ្វើសន្និសីទកាសែតមួយ ស្តីពីការបិទសំណុំរឿងព្រហ្មទណ្ឌ ជាបឋម ទាក់ទងនឹងករណីលួចព្រះបរមសារីរិកធាតុ។

ការប្រកាសបិទសំណុំរឿងនេះ គឺបានធ្វើឡើង បន្ទាប់ពីសមត្ថកិច្ចចាប់បានជនល្មើស ឈ្មោះកែវ រស្មី អាយុ២៤ឆ្នាំ ភេទប្រុស ជនដៃដល់ ក្នុងការលួចព្រះបរមសិរីរិកធាតុ ពីសក្យមុនីចេតីយ និងចាប់ បានអ្នកទទួលផលចោរកម្ម ត្រូវបានបញ្ជូនទៅតុលាការ កាលពីថ្ងៃទី៦ ខែកុម្ភៈ ឆ្នាំ២០១៤។

លោក ម៉ក់ ជីតូ បានមានប្រសាសន៍ថា៖រយៈពេលដែលបាត់ព្រះបរមសារីរិកធាតុ គឺខ្វះតែ៤ថ្ងៃប៉ុណ្ណោះ គ្រប់២ខែ គឺ១ខែ ២៦ថ្ងៃ។ នៅក្នុងកិច្ចប្រតិបត្តិការនេះ មានការការចូលរួម ពីតំណាងអយ្យការ អមសាលាដំបូងខេត្តកណ្តាល និងខេត្តតាកែវ និងកិច្ចសហការជាមួយស្នងការនគរបាលខេត្តកណ្តាល និងខេត្តតាកែវ។

លោក ម៉ក់ ជីតូ បានបញ្ជាក់ថា៖ ពាក់ព័ន្ធនឹងការលួចព្រះបរមសិរីរិកធាតុ តាមចម្លើយបឋម ពីជនល្មើស កែវ រស្មី បានសារភាពថា មាកការប៉ងលួចតាំងពីព្រះមហាវរក្សត្រ សម្តេចតាទួត ហែព្រះសារីរិកធាតុពីភ្នំពេញ ទៅតម្កល់លើកំពូលភ្នំព្រះរាជទ្រព្យ ហើយបន្តមក ជនសង្ស័យ បានឡើងទៅលើភ្នំ មើលផ្លូវ មើលភូមិសាស្ត្រ ដើម្បីតៀមលក្ខណៈលួច ព្រះបរមសារីរិកធាតុ ទើបនៅថ្ងៃទី៩ ខែធ្នូ ឆ្នាំ២០១៣ ម៉ោង២រសៀល ជនសង្ស័យខ្ចីម៉ូតូគេជិះទៅភ្នំព្រះរាជទ្រព្យ ដល់ម៉ោងជិត ៧ យប់ ហើយយកម៉ូតូ ទៅលាក់ក្នុងព្រៃ នៅម៉ោង ៩ យប់ ទើបជនល្មើស ឡើងលើភ្នំធ្វើសកម្មភាពលួច ព្រះបរមសារីរិកធាតុ ខណៈដែលឆ្មាំ កំពុងហូបបាយ និងមើលទូរទស្សន៍។

បន្ទាប់ពីគាស់សោរដាច់ ជនល្មើស បានលួច យកសារីរិកធាតុ និងព្រះស្រោបមាស នៅជុំវិញទាំងអស់ដាក់ស្បោង វិលមកវិញភ្លាមៗ ហើយមកដល់តាកែវ ម៉ោង៥ភ្លឺ (១០ ធ្នូ ២០១៣)។ ទាក់ទងនឹងបញ្ហានេះ សមត្ថកិច្ចបានបិទសំណុំរឿងស៊ើបអង្កេតបឋម។

លោកបានបញ្ជាក់បន្តថា ៖ បន្ទាប់ពីសមត្ថកិច្ចចាប់ខ្លួន ជនល្មើស ឈ្មោះ កែវ រស្មី បានសារភាពថា នៅថ្ងៃទី១៤ ខែកុម្ភៈ ឆ្នាំ២០០៨ បានលួចគោចំនួន ២ ក្បាល ត្រូវសមត្ថកិច្ចចាប់ខ្លួន ដាក់ពន្ធនាគាររយៈពេល ៦ ខែ។ នៅថ្ងៃទី១៩ ខែសីហា ឆ្នាំ២០០៩ ជនល្មើស កែវ រស្មី ជិះមូតូបុកមនុស្សស្លាប់ម្នាក់ ជាប់ពន្ធនាគារ ១៤ ខែ។

លោក ម៉ក់ ជីតូ បានបន្តថា ៖ ក្រោយមកនៅថ្ងៃទី១១ ខែវិច្ឆិកា ឆ្នាំ២០១០ ជនល្មើស កែវ រស្មី លួចគោចំនួន ២ ក្បាលទៀត។ ពាក់ព័ន្ធនឹងការលួចវត្ថុបុរាណ លួចព្រះពុទ្ធបដិមាករ គឺជនល្មើស កែវ រស្មី បានធ្វើសកម្មភាពចំនួន ៣ លើក។

សកម្មភាពលើកទី១ ៖លួចព្រះពុទ្ធរូប ចំនួន ២ ព្រះអង្គ នៅវត្តស្តីសិដ្ឋ។ សកម្មភាពទី២ ៖ លួចហិបដាក់លុយពុទ្ធបូជា នៅវត្តព្រៃរុន និងសកម្មភាពទី៣ ៖ នៅថ្ងៃទី៧ ខែវិច្ឆិកា ឆ្នាំ២០១៣ លួចព្រះពុទ្ធរូប នាងខ្មៅ យកទៅកាត់ព្រះកេស យកតួខ្លួន ទៅទំលាក់ត្រពាំងទឹក។

លោកលឹម សុគន្ថា ចៅក្រមស៊ើបសួរ នៃសាលាដំបូងខេត្តកណ្តាល បានបញ្ជាក់ឲ្យដឹងថា៖នៅពេលដែលចៅក្រម ស៊ើបសួរបើកការស៊ើបអង្កេត រកឃើញភស្តុតាង ដាក់បន្ទុកគ្រប់គ្រាន់នោះ ជនសង្ស័យ កែវ រស្មី អាចប្រឈមនឹងការផ្តន្ទាទោស តាមមាត្រា ៣៥៧ នៃក្រមព្រហ្មទណ្ឌ ហើយអាចជាប់ពន្ធនាគារ រយៈពេលពី ៣ ឆ្នាំ ទៅ ១០ ឆ្នាំ ប៉ុន្តែអាស្រ័យលើការសម្រេចរបស់ចៅក្រមជំនុំជម្រះ។

លោកចៅក្រម បានពន្យល់បន្តថា តាមច្បាប់ នីតិវីធីនៃការស៊ើបសួរ របស់ចៅក្រមស៊ើបសួរ ក្នុងករណី នេះគឺមានរយៈពេលនៃការឃុំខ្លួន ជនជាប់ចោទបណ្តោះអាសន្ន ក្នុងពន្ធនាគារ រយៈពេលដល់ទៅ ១៨ ខែ សម្រាប់ចៅក្រមធ្វើការស៊ើបអង្កេត ប្រមូលភស្តុតាង ទើបបញ្ជូនរឿង ទៅឲ្យចៅក្រមជំនុំជម្រះ ពិនិត្យឯកសារ និងភស្តុតាង ហើយកំណត់ថ្ងៃបើកសវនាការ ជំនុំជម្រះទោសជនសង្ស័យ ទៅតាមបទល្មើស ដែលបានចែងក្នុង មាត្រា ៣៥៧ នៃក្រមព្រហ្មទណ្ឌ។

ចំពោះឆ្មាំសក្យមុនីចេតីយ នៅលើកំពូលភ្នំព្រះរាជទ្រព្យ ចំនួន៥នាក់ ដែលត្រូវបានសមត្ថកិច្ចនគរបាលខេត្តកណ្តាល ចាប់ខ្លួនកាលពីខែធ្នូ ឆ្នាំ២០១៣ ពីបទសង្ស័យលួចព្រះបរម សារីរិកធាតុនោះ ក៏ត្រូវបានចៅក្រមស៊ើបសួរ នៃសាលាដំបូខេត្តកណ្តាល ចោទប្រកាន់ពីបទលួចមាន ស្ថានទម្ងន់ទោស យោងតាមតាមមាត្រា ៣៥៧ នៃក្រមព្រហ្មទណ្ឌផងដែរ ដែលសមត្ថកិច្ចសង្ស័យ ថា មានការពាក់ព័ន្ធនឹងជនសង្ស័យ កែវ រស្មី នោះដែរ។

ដោយឡែក ស្ត្រី ឈ្មោះសៀក សារ៉េត អាយុ៣៩ឆ្នាំ មុខរបរ លក់មាសនៅផ្សារព្រៃសណ្តែក ស្រុកទ្រាំង ខេត្តតាកែវ ត្រូវសមត្ថកិច្ចចាប់ខ្លួនដែរនោះ ត្រូវជាប់ចោទពីបទ ទទូលផលចោរកម្ម៕V/L

ព្រះបរមសារីរិកធាតុ ត្រូវបានប្រគល់ជូនសម្តេចចៅហ្វាវាំង គង់ សំអុល ដង្ហែយកទៅដង្កល់ទុក នៅក្នុងព្រះបរមរាជវាំង

នៅវេលាម៉ោង ៩ ព្រឹក ថ្ងៃទី១០ ខែកុម្ភៈ ឆ្នាំ២០១៤ លោកឧត្តមសេនីយ៍ឯក ម៉ក់ ជីតូ ប្រធាននាយករដ្ឋានកណ្តាលនគរបាលយុត្តិធម៌ នៅក្រសួងមហាផ្ទៃ បានធ្វើសន្និសីទកាសែត នៃការបិទសំណុំរឿងបឋម ទាក់ទងទៅនឹងជនសង្ស័យ ឈ្មោះ កែវ រស្មី អាយុ ២៤ឆ្នាំ ដែលជាអ្នកលួចយក ព្រះបរមសារីរិកធាតុ ព្រះសម្មាសម្ពុទ្ធ កាលពីថ្ងៃទី៩ ខែធ្នូ ឆ្នាំ២០១៣ នៅព្រះសក្យមុនីចេតិយ ភ្នំឧដុង្គ

ជនសង្ស័យ លួចយក ព្រះបរមសារីរិកធាតុ ឈ្មោះ កែវ រស្មី និងរថយន្តថ្មី ដែលទើបនឹងទិញ

ស្ត្រីអ្នកលក់មាស នៅផ្សារព្រែកសណ្តែក ឈ្មោះ សៀក សារ៉េត អាយុ៣៩ឆ្នាំ

RELATED POSTS