ផ្ទុះឆេះ iPhone 5C បណ្តាលអោយ ក្មេងស្រីម្នាក់រងរបួស

អាមេរិក៖ កាលពីថ្ងៃទី៣១ ខែមករា កន្លងទៅមានហេតុការណ៍ ផ្ទុះឆេះ iPhone 5C មួយ ដែលបានបណ្តាលអោយក្មេងស្រី អាយុ១៤ឆ្នាំម្នាក់បានរងរបួស ខណៈពេលនាងកំពុងតែអង្គុយ រៀននៅក្នុង ថ្នាក់។ ហេតុការណ៍នេះបានកើតឡើងនៅក្នុងវិទ្យាល័យ Kennebunk នៅតំបន់ Maine សហរដ្ឋអាមេរិក ហើយខណៈពេលដែលក្មេងស្រីរងគ្រោះកំពុងអង្គុយក្នុងថ្នាក់ រៀនស្តាប់ចំរៀង ដោយប្រើកាសភ្ជាប់ជាមួយទូរស័ព្ទ iPhone 5C ស្រាប់តែមិត្តភក្តិរបស់ នាងបានលឺសំលេងផ្ទុះឡើង និងធំ ក្លិនឆ្ងៀមចេញពីកាតាបរបស់នាងតែម្តង។

 ក្រោយពីបានរង របួសដោយសារការផ្ទុះនោះភ្លាម មិត្តរួមថ្នាក់ក្មេងស្រីរងគ្រោះ ត្រូវនាំគ្នាជួយដោះសំលៀក បំពាក់នាងចេញ ដើម្បីកុំអោយរង ការរលាកខ្លាំង ហើយបានបញ្ចូននាងទៅកាន់មជ្ឈមណ្ឌល សុខភាព Biddeford Southern Maine Health Care ដោយ នាងបានរងរបួសរលាកកំរិត មធ្យម។ អ្នកស្រី Judy Milligan ជាម្តាយក្មេងស្រីរងគ្រោះបានទិញទូរស័ព្ទ iPhone 5C អោយកូនរបស់គាត់តាំងពី២ខែមុខម៉្លេះ ហើយលោក Andrew Palmeri ប្រធានពេទ្យសង្គ្រោះ បន្ទាន់បានអោយដឹងថា មូលហេតុនៃការផ្ទុះនេះ គឺបណ្តាលមកពីក្មេងស្រីរងគ្រោះបានទូរស័ព្ទ នៅហោប៉ៅខោខាងក្រោយ ហើយពេលអង្គុយទៅធ្វើអោយថ្មទូរស័ព្ទកោងទើបផ្ទុះតែម្តង។

លោកបាននាំណែអោយអ្នកប្រើប្រាស់ទូរស័ព្ទកុំអោយដាក់ទូរស័ព្ទនៅហោប៉ៅខោខាងក្រោយ ព្រោះវាងាយនឹងធ្វើអោយទូរស័ព្ទខូច និងបង្កអោយមានការផ្ទុះដូចករណីនេះ។
Khmer-note

Share on Facebook Share on Twitter Share on Google Plus