ភ្នំពេញ: យុវជនពីរនាក់ បើកម៉ូតូឌុបគ្នាឡើងស្ពានជ្រោយចង្វា ពេលមកដល់ពាក់កណ្តាលស្ពាន បានឈប់ម៉ូតូ ស្រាប់តែយុវជនម្នាក់ ជិះពីក្រោយ ចុះពីលើម៉ូតូ លោតចូលទឹកទន្លេ លិចបាត់ ចំណែកអ្នកបើកម៉ូតូ គេចខ្លួនបាត់។
ហេតុការណ៍នេះ បង្កឲ្យមានការភ្ញាក់ផ្អើល ដល់អ្នកដំណើរ កាលពីម៉ោង ១២ រំលងអធ្រាត្រ ឆ្លងចូលថ្ងៃទី១១ ខែមីនា ឆ្នាំ២០១៤ នៅចំណុចពាក់កណ្តាលស្ពានជ្រោយចង្វា សង្កាត់ជ្រោយចង្វា ខណ្ឌឫស្សីកែវ។
បើតាមសម្តីបុរសអ្នកដំណើរម្នាក់ បានប្រាប់ឲ្យដឹងថា មុនពេលកើតហេតុនេះ គាត់បានឃើញយុវជនពីរនាក់ បើកម៉ូតូអាយខុន មិនចាំពណ៌ និងស្លាកលេខ បានបើកឡើងស្ពានជ្រោយចង្វា ក្នុងទិសដៅពីលិចទៅកើត។ ខណៈមកដល់ពាក់កណ្តាលស្ពាន គាត់ក៏ឈប់ម៉ូតូ រើសអីវ៉ាន់។
ភ្លាមនោះ ស្រាប់តែយុវជន អ្នករួមដំណើរ បានចុះពីលើម៉ូតូ លោតចូលទឹក លិចបាត់តែម្តង ដោយមិនដឹងអំពីមូលហេតុ។ ចំណែកឯយុវជនម្នាក់ទៀត ដែលជាអ្នកបើកម៉ូតូ បានបើកម៉ូតូយ៉ាងលឿន គេចខ្លួនបាត់ស្រមោល៕V/s
Blogger Comment
Facebook Comment