កាប់១កាំបិត រំសាយគំនុំចាស់ ត្រូវឃាត់ខ្លួន បញ្ជូនទៅតុលាការ

ប្រភព:ដើមអម្ពិល
ពោធិ៍សាត់ៈ ជនសង្ស័យម្នាក់ ត្រូវបានកម្លាំងនគរបាល ស្រុកភ្នំក្រវ៉ាញ ធ្វើការឃាត់ខ្លួន កាលពីថ្ងៃទី៣ ខែឧសភា ឆ្នាំ ២០១៤ ខណៈដែលជនសង្ស័យរូបនោះ បានយកកាំបិតផ្គាក់ កាប់ទៅលើជនរងគ្រោះ មួយកាំបិត ចំត្រង់ក បណ្តាលអោយរងរបួសធ្ងន់ កាលពីវេលាម៉ោង ៥និង១០នាទីល្ងាចថ្ងៃទី ២ ខែ ឧសភា ឆ្នាំ ២០១៤ កន្លងមកនេះ។

ក្រោយការឃាត់ខ្លួននៅស្រុករយៈពេលមួយយប់ ជនសង្ស័យក៍ត្រូវបានបង្កសំណុំរឿង បញ្ជូនមកកាន់ ការិយាល័យកណ្តាល នគរបាលព្រហ្មទណ្ឌខេត្តពោធិ៍សសត់ដើម្បីចាត់ការបន្ត។


នាយការិយាល័យនគរបាល ព្រហ្មទណ្ឌកំរិតស្រាលខេត្ត លោកវរសេនីយ៍ទោ ម៉ូ លីដា បានអោយដឹងថា ជនសង្ស័យមានឈ្មោះប៊ូ ពៅ ភេទប្រុសអាយុ ៤៥ ឆ្នាំជនជាតិខ្មែររស់នៅភូមិតាដេះ ឃុំសំរោង ស្រុភ្នំក្រវាញ ខេត្តពោធិ៍សាត់។

ចំណែកជនរងគ្រោះមានឈ្មោះរឿន សារិនហៅខ្លា ភេទប្រុស អាយុ ២២ ឆ្នាំជនជាតិខ្មែរ រស់នៅក្នុងភូមិជាមួយគ្នា។

 នៅចំពោះមុខសមត្ថកិច្ចជនសង្ស័យបានសារភាពថា ខ្លួនគេពិតជាបានកាប់ទៅលើ ជនរងគ្រោះចំនួនមួយកាំបិតពិតប្រាកដមែន ដោយសារតែមានគំនុំជាមួយនិងជនរងគ្រោះ ដែលកន្លងមកធ្លាប់ ស្ទាក់វ៉ៃរូបគេចំនួន៣លើកមកហើយ។ ក្រោយសួរចម្លើយជនសង្ស័យត្រូវបានកសាងសំណុំរឿង បញ្ជូនទៅកាន់ តុលាការចាត់ការបន្ត៕

Share on Facebook Share on Twitter Share on Google Plus