ភ្នំពេញ ៖ យោងតាមការឲ្យដឹងពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិប្រាប់ឲ្យដឹងថា កាលពីថ្ងៃទី០៨ ខែឧសភា ឆ្នាំ២០១៤ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើង ១៣លើក (យប់ ០៨លើក)បណ្តាលឲ្យមានមនុស្សស្លាប់ ០៦នាក់ (ស្រី០១នាក់) រងរបួសធ្ងន់ ១២នាក់(ស្រី០៥នាក់) និង របួសស្រាល ២៩នាក់ (ស្រី០៤នាក់)។
នៅក្នុងករណីគ្រោះថ្នាក់ចរាចរណ៍ទាំង ១៣ លើក បានបង្កឲ្យខូចខាតយានយន្តសរុប ២៣គ្រឿង ក្នុងនោះម៉ូតូ ០៩គ្រឿង រថយន្តធុនតូច ០៦គ្រឿង រថយន្តធុនធំ ០២គ្រឿង និងយានផ្សេងៗ ០៣គ្រឿង និងថ្មើរជើង០៣នាក់។
ប្រភពព័ត៌មានដដែលប្រាប់ឲ្យដឹងបន្តថា មូលហេតុដែលបង្កឲ្យកើតមានករណីគ្រោះថ្នាក់ចរាចរណ៍ គឺបណ្តាលមកពីល្បឿន ០៨លើក មិនគោរពសិទ្ធ ០១លើក មិនប្រកាន់ស្ដាំ ០៣លើក ស្រវឹង ០១លើក ក្នុងនោះជិះម៉ូតូគ្រោះថ្នាក់មិនពាក់មួក ១៣នាក់ (យប់ ០៦ នាក់)។
យោងតាមរបាយការណ៍ពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិប្រាប់បញ្ជាក់ឲ្យដឹងថា រថយន្តដែលត្រូវផាកពិន័យនៅអង្គភាព កាលពីថ្ងៃទី០៨ ខែឧសភា ឆ្នាំ២០១៤នេះ សរុបមានចំនួន ៦១៤គ្រឿង ក្នុងនោះមាន រថយន្តទេសចរណ៍គ្រួសារ ៥៨គ្រឿង រថយន្តដឹកដំណើរធុនតូច ៧៤គ្រឿង រថយន្តដឹកអ្នកដំណើរធុនធំ ០០គ្រឿង រថយន្តដឹកទំនិញធុនធំ ២៩៧គ្រឿង។ រថយន្តទាំងអស់ត្រូវបានបង់ប្រាក់ពិន័យរួចនៅអធិការដ្ឋាននគរបាលស្រុក ២២គ្រឿង ស្នងការដ្ឋាននគរបាលខេត្ត ៥៦៤គ្រឿង៕
Blogger Comment
Facebook Comment