ប្រភព ក្រុងកម្ពុជា
ភ្នំពេញ ៖ ហេតុការណ៍គ្រោះថ្នាក់ចរាចរណ៍មួយបានកើតឡើងដោយសារតែបុរសម្នាក់បើកបររថយន្ត កូរ៉ូឡាមួយគ្រឿងក្នុងល្បឿនលឿនរេចង្កូតបុកចូលផ្ទះប្រជាពលរដ្ឋ ស្ថិតនៅចំណុចផ្លូវលេខ៥៩៨ ភូមិទួលគោក សង្កាត់បឹងកក់ទី ១ ខណ្ឌទួលគោក រាជធានីភ្នំពេញ កាលពីវេលាម៉ោង២២និង៣០ នាទីយប់ថ្ងៃទី១៨ ខែឧសភា ឆ្នាំ២០១៤ ។យោងតាមប្រភពព័ត៌មានពីសាក្សីដែលបានឃើញហេតុការណ៍ខាងលើនេះបានឲ្យដឹងថា មុនពេលកើតហេតុ គឺបុរសម្នាក់បានបើកបររថយន្តមួយគ្រឿងម៉ាកកូរ៉ូឡា ពណ៌ក្រហម ពាក់ស្លាកលេខ ភ្នំពេញ 2G-1317 ធ្វើដំណើរតាមបណ្តោយផ្លូវលេខ៥៩៨ ទិសដៅពីកើតទៅលិចក្នុងល្បឿនលឿន ពេលដល់ចំណុចកើតហេតុ ដោយសារតែបុរសម្ចាស់រថយន្តស្រវឹងស្រាស្រាប់តែរេចង្គុតខាងឆ្វេងដៃជ្រុលបុកចូលលំនៅដ្ឋានប្រជាពលរដ្ឋមួយកន្លែងបណ្តាលឲ្យរថយន្តកៀបជាមួយនឹងជញ្ជាំងផ្ទះប្រជា ពលរដ្ឋរងការខូចខាតមិនអាចបន្តដំណើរទៅមុខបានឡើយ។
ប៉ុន្តែទាក់ទិននឹងករណីនេះ មិនបណ្តាលឲ្យមនុស្សណាម្នាក់ត្រូវរងរបួសធ្ងន់ធ្ងរទេ ។ គួរបញ្ជាក់ថាក្រោយកើតហេតុសមត្ថកិច្ចមូលដ្ឋានបានសហការជាមួយនគរបាលចរាចរណ៍ខណ្ឌ ទួលគោក នឹងនគរបាលជំនាញចុះវាស់វែងអូសយករថយន្តបង្កហេតុទៅរក្សាទុកនៅការិយាល័យ ចរាចរណ៍ជើងគោករាជធានីភ្នំពេញរង់ចាំដោះស្រាយនាពេលក្រោយ ៕
ឃិត សុខា
Blogger Comment
Facebook Comment