ខេត្តកំពង់ឆ្នាំង៖ឪពុកចុងម្នាក់ត្រូវបានប្រពន្ធប្តឹងឲ្យសមត្ថកិច្ចនគរបាលមូលដ្ឋានចាប់ឃាត់ខ្លួនបន្ទាប់ពីប៉ុនប៉ងរំលោភកូនចុងអាយុ៩ឆ្នាំមិនបានសម្រេចដោយសារស្ត្រីជាម្តាយបានទៅទាន់ ឃើញច្បាស់នឹងភ្នែក កាលពីវេលាម៉ោង៦និង១០ នាទីព្រឹកថ្ងៃទី១៨ ខែឧសភា ឆ្នាំ២០១ នៅលើផ្ទះកុមារីរងគ្រោះ ស្ថិតនៅស្រុកជលគិរី ខេត្តកំពង់ឆ្នាំង។
ជនសង្ស័យជាឪពុកចុង មានឈ្មោះ ម៉ៅ ចិត្រ អាយុ ២១ឆ្នាំ មានទីលំនៅក្នុង ខេត្តបន្ទាយមានជ័យ ទើបមកបានប្រពន្ធ ជាស្ត្រីមេម៉ាយកូន៣ នៅក្នុងស្រុកជលគិរី ជាងមួយឆ្នាំ ពេលទៅធ្វើការនៅប្រទេសថៃ ជួបគ្នាដោយចៃដន្យ។ មុនពេលកើតហេតុ យប់ថ្ងៃទី១៧ ខែឧសភា ឪពុកចុងបានផឹកស្រាស្រវឹងជោកខ្លួន ហើយបានដេកក្នុងមុង ជាមួយប្រពន្ធនិងកូន លុះព្រឹកឡើង ប្រពន្ធបានភ្ញាក់ពីដំណេកមុន ហើយបានយក កូនតូចៗ ២នាក់ ចុះមកដីដើម្បីលុបលាងមុខ។
បន្ទាប់មកស្ត្រីជាប្រពន្ធ ឡើងទៅលើផ្ទះវិញដើម្បីសាមុង ស្រាប់តែឃើញប្តីរបស់ខ្លួន បានស្រាតខោលីអូ ដល់ត្រឹមជង្គង់ កំពុងក្រាបពីលើ កូនស្រីច្បងអាយុ ៩ឆ្នាំ។ ឃើញដូច្នេះប្រពន្ធក៏បានស្ទុះ ទៅច្រានប្តីចេញ ហើយបានចាប់អូសកូន ចេញពីក្រោមទ្រូងឪពុកចុង និងបានបីកូនចុះមកដី ហើយរត់ទៅប្រាប់ម្តាយ និងបានប្តឹងសមត្ថកិច្ច ឲ្យចាប់ឃាត់ខ្លួនតែម្តង។ ជនសង្ស័យជាឪពុកចុង បានសារភាពថា ខ្លួនមិនទាន់បានធ្វើអ្វីនោះទេ ហើយនៅព្រឹកនោះ ប្រហែលមកពីខ្លួនស្រវឹងខ្លាំងពេក ទើបធ្វើយ៉ាងនេះ ក៏ត្រូវប្រពន្ធមកទាន់៕
Blogger Comment
Facebook Comment