ប្រភពព័ត៌មានបានឱ្យដឹងថា ប្រជាពលរដ្ឋបានជួបជុំគ្នានៅតំបន់ផ្សារប្រជុំជនមួយកន្លែង ស្ថិតនៅ កណ្តាលទីក្រុងយ៉ូស ប្រទេសនីហ្សេរីយ៉ា នៅពេលដែលគ្រាប់បែកមួយគ្រាប់បានផ្ទុះឡើង។ រយៈពេល៣០ នាទីក្រោយមក ស្រាប់តែគ្រាប់បែកទី២ បានវាយប្រហារមកលើមន្ទីរពេទ្យនៅក្បែរនោះ ដោយសម្លាប់ទាំង ក្រុមការងារជួយសង្គ្រោះ ដែលបានដឹកអ្នករបួសទៅព្យាបាលនោះ។
ការវាយប្រហារទាំងនេះ បានកើតនៅនៅរសៀលថ្ងៃពុធនេះតែម្តង ដោយបានសម្លាប់មនុស្សជាង ១០០នាក់ ដែលភាគច្រើននៃពួកគេគឺជាស្ត្រី។ គេសង្ស័យថា ចំនួនអ្នកស្លាប់ អាចនឹងកើនឡើងច្រើនជាងនេះ ខណៈដែលសាកសពមិនទាន់រកឃើញអស់ នៅក្រោមគំនរអាគារ។
ទោះបីជាយ៉ាងណាក៏ដោយ នៅមិនទាន់មានភាគីណាមួយប្រកាសទទួលខុសត្រូវចំពោះការវាយ ប្រហារនេះឡើយ ប៉ុន្តែក្រុមជីវពលបូកូ ហារ៉ាំ គឺជាក្រុមសង្ស័យសំខាន់ជាងគេ ខណៈដែលក្រុមសកម្មប្រយុទ្ធ មួយនេះ កំពុងឃុំគ្រងចំណាប់ខ្មាំងដែលជាក្មេងស្រីសាលាជាង២០០នាក់។ ដោយឡែក រដ្ឋាភិបាលបានអះអាងថា ខ្លួននឹងបន្តធ្វើសង្គ្រាមជាមួយក្រុមភេវរកម្មទាំងនេះ រហូត ដល់ទទួលបានជោគជ័យ៕
Blogger Comment
Facebook Comment