លោកព្រុំ សុខា មន្ត្រីជាន់ខ្ពស់គណបក្សប្រជាជនកម្ពុជា បានប្រាប់គេហទំព័រCEN ថាបញ្ហាមាននៅក្នុងកិច្ចព្រមព្រៀងហើយ។ ពេលណាដែលឯកភាពគ្នាធ្វើការដោះស្រាយបញ្ហាឈានទៅមុខ មានន័យថា ឲ្យតែបានព្រមព្រៀងគ្នាលើកិច្ចព្រមព្រៀងចុងក្រោយ គឺថាគាត់នឹងចូលសភា។
លោកបានបន្តថា ទាក់ទងការជួបគ្នារវាងរូបលោក ជាមួយលោកគួយ ប៊ុនរឿន ខាងគណបក្សសង្គ្រោះជាតិ កាលពីព្រឹកថ្ងៃទី២២ ខែឧសភា គឺជាការជួបគ្នាក្រៅផ្លូវការ ។
តំណាងក្រុមការងាររវាងគណបក្សទាំងពីរ ពិភាក្សាគ្នាបន្តការចរចារតទៅទៀត ហើយឯកភាពគ្នាទៅលើអ្វីដែលបានព្រមព្រៀងគ្នាកន្លងទៅ ដើម្បីបញ្ចប់បញ្ហាដែលនៅសេសសល់ និងឈានទៅដល់ការដោះស្រាយចុងក្រោយ។ អំពីកិច្ចព្រមព្រៀងដែលថ្នាក់ដឹកនាំគណបក្សទាំងពីរបានឯកភាពគ្នា កាលពីថ្ងៃទី៩ ខែមេសា ឆ្នាំ២០១៤ (លោកសម រង្ស៊ី បានទូរស័ព្ទទំនាក់ទំនងជាមួយសម្តេចតេជោ ហ៊ុន សែន) យើងនឹងផ្អែកលើកិច្ចព្រមព្រៀងនោះ ដើម្បីពិភាក្សាបន្តទៅទៀត។
លោកបានបន្តថា បញ្ហាដែលនៅសេសសល់មិនទាន់ដោះស្រាយ គឺខិតខំបញ្ចប់ ដើម្បីឈានទៅដល់ការជួបផ្លូវការ រួចនឹងមានដំណោះស្រាយ។ លទ្ធផលជួបគ្នានេះ(ព្រុំ សុខា-គួយ ប៊ុនរឿន) គឺជាការជួបដើម្បីរៀបចំការជួបចរចាជាផ្លូវការ ទាំងក្រុមការងារ និងបន្តការជួបជាផ្លូវការរវាងថ្នាក់ដឹកនាំកំពូល។
ទាក់ទងការចូលប្រជុំសភារបស់គណបក្សសង្គ្រោះជាតិ លោកព្រុំ សុខា បញ្ជាក់ថាបញ្ហានេះវាមាននៅក្នុងកិច្ចព្រមព្រៀងហើយ ពេលណាដែលឯកភាពគ្នាធ្វើការដោះស្រាយបញ្ហាឈានទៅមុខ មានន័យថា ឲ្យតែបានព្រមព្រៀងគ្នាលើកិច្ចព្រមព្រៀងចុងក្រោយ គឺថាគាត់នឹងចូលសភា៕T /L
 |
| លោកព្រុំ សុខា មន្ត្រីជាន់ខ្ពស់គណបក្សប្រជាជនកម្ពុជា |
Blogger Comment
Facebook Comment