ភ្នំពេញ: ទីកំសាន្តព្រែកលៀប គឺជាទីកន្លែងបន្ធូរអារម្មណ៍ របស់បងប្អូនប្រជាពលរដ្ឋទូទៅ ទៅលំហែកាយ ជាពិសេសគឺពួកយុវវ័យ ក៏ចូលចិត្តទៅ ទីនោះដែរ ប៉ុន្តែគេសង្កេតឃើញមានព្រះសង្ឃ ពេញនិយមទៅកាន់ទីនោះដែរ។ ដោយស្ថិតក្នុងខ្ចូស ព្រះសង្ឃចំនួនបីអង្គ លោកគង់លើអង្រឹង និងរួមមាននារីបីនាក់ ស្លៀកពាក់អាវស សំពត់ខៀវ អង្គុយក្បែរទៀត។
តាមរយៈរូបភាពចំនួនពីរសន្លឹក ក៏មានមតិរិះគន់ជាច្រើន ដោយអ្នកខ្លះ បាននិយាយថា៖ ព្រះសង្ឃ គឺជាបុគ្គលដែលប្រជាពលរដ្ឋគោរព ព្រះសង្ឃជាបុគ្គលមួយរូប ដែលបានបួសរៀននូវព្រះធម៌ វិន័យ ជាច្រើន ដើម្បីយកមកទូន្មាន ដល់ជនទាំងឡាយ ឲ្យត្រង ត្រាប់ស្តាប់ នូវពុទ្ធឱវាទ និងវារចាក ក្នុងអំពើទុច្ចរិតផ្សេងៗ។
លោកពូម្នាក់ សូមមិនបញ្ចេញឈ្មោះ បានឲ្យដឹងថា៖ ព្រះធ្វើបែបនេះ គឺខុសតែម្តង ទោះបីជាលោកទៅគង់ បែបធម្មតាក៏ដោយ ព្រោះទីនោះ ជាទីកំសាន្តរបស់យុវវ័យ ចុះបើនៅខ្ចូសក្បែរនោះ មានគូស្នេហ៍ ដែលទៅលេងដែរនោះ តើទៅជាយ៉ាង? បើព្រះសង្ឃ ហេវហត់ អស់កម្លាំង ចង់សម្រាក គឺព្រះសង្ឃមានកន្លែងរបស់លោក ដូចជា សាលាឆាន់ សាលាឆទាន មិនមែនទៅកន្លែងបែបនេះទេ។
នេះដោយសារតែសម័យបច្ចេកវិទ្យាទំនើប ទើបអាចធ្វើឲ្យដឹងនូវចំណុចខ្លះ ដែលព្រះសង្ឃ បានធ្វើនៅកន្លែងដែលមិនសមរម្យមួយចំនួន ហើយដោយសារតែបច្ចេកវិទ្យានេះហើយ បានធ្វើឲ្យព្រះសង្ឃមួយចំនួនតូច ប្រព្រឹត្តប្រាសចាកពីធម៌វិន័យ ដូចជា ករណីព្រះសង្ឃ នៅវត្តស្រះចកជាដើម។
ការធ្វើបែបនេះ មួយចំនួនតូចនោះ បានធ្វើឲ្យកិត្តិនាម របស់ព្រះពុទ្ធសាសនា ដែលជាសាសនារបស់រដ្ឋ ធ្លាក់ចុះ និងធ្វើឲ្យប្រជាពលរដ្ឋ ខ្លះបាត់បង់ជំនឿ លើព្រះសង្ឃ និងសាសនា៕V/s
.jpg)
.jpg) |
| ព្រះសង្ឃ នាំនារីទៅអង្គុយកំសាន្ត នៅព្រែកលៀប តើត្រូវទេ? |
Blogger Comment
Facebook Comment