នេះជារឿងរ៉ាវពិតនៃជីវិតស្នេហារបស់បុរសម្នាក់ ដែលបានចាកចេញពីមនុស្សស្រីជាទីស្រលាញ់របស់ខ្លួន ដើម្បីទុកពេលវេលាទំនេរមួយឲ្យនាងអាចជ្រើសរើសបុរសដែលល្អជាងខ្លួន។
វាមិនមែនជារឿងងាយស្រួលក្នុងចិត្តនោះទេ នៅពេលដែលខ្លួនព្យាយាមធ្វើឲ្យមនុស្សដែលខ្លួនស្រលាញ់ដកក្តីសង្ឃឹមចេញពីខ្លួន ព្រោះវាត្រូវទទួលរងនូវការឈឺចាប់ ស្ទើទ្រាំមិនបាន នេះបើតាមបទពិសោធន៌ផ្ទាល់ដែលបុរសម្នាក់នេះ បានប្រាប់នាវា។ គាត់ឈ្មោះ ច.ស មានដើមកំណើតមកពីភាគនារតីនៃប្រទេសកម្ពុជា។ គាត់បានរៀបរាប់ប្រាប់នាវាថា៖
ច.ស៖ ចាប់តាំងពីដំបូងមក ខ្ញុំជាអ្នកចាប់ផ្តើមដោយខ្លួនឯង គឺលួចស្រលាញ់នាង រហូតដល់ពេលដែលនាងបានដឹង ខ្ញុំដឹងយ៉ាងច្បាស់ថា ខ្ញុំមិនមានសំនាងបានរស់នៅជាមួយនាងដល់ចាស់នោះទេ ព្រោះអ្វីដែលនាងត្រូវការមិនមែនគ្រាន់តែជាបុរសម្នាក់ដែលមានចិត្តស្មោះត្រង់និងនាង តែនាងនៅត្រូវការទ្រព្យសម្បត្តិទៀត។ ពេលនោះយើងគ្រាន់តែទាក់ទងគ្នាតាមទូរស័ព្ទ និងហ្វេសប៊ុកតែប៉ុណ្ណោះ។
នាវា៖ ចុះហេតុអ្វីលោកនៅតែទាក់ទងនឹងនាង?
ច.ស៖ ពីព្រោះការស្រលាញ់មួយដែលវាខ្លាំងខ្លាពេកទៅហើយ..។ តែខ្ញុំតែងបដិសេធជានិច្ចរាល់ពេលដែលចង់ជួបខ្ញុំតាំងពីដំបូង ព្រោះខ្ញុំដឹងថា ខ្ញុំមិនបាច់ជួបប្រសើរជាងជួប ព្រោះបើជួបហើយ គឺច្បាស់ជាត្រូវខកបំណង ហើយសោកស្តាយពេលវេលាដែលខ្ញុំបានសន្សំសម្រាប់នាងមិនខាន តែទីបំផុតខ្ញុំនៅតែមិនអាចទ្រាំបាន គឺចិត្តចង់ជួបនាងមិនអាចប្រកែកបាន។ នេះជារឿងដែលមិត្តភក្តិខ្ញុំនិយាយថា វាឆ្កួត តែខ្ញុំមិនគិតដូចគេទេ។
នាវា៖ អញ្ចឹងពេលជួបនាង លោកសប្បាយចិត្តណាស់មែនទេ?
ច.ស៖ មិនដូច្នេះទេ សូម្បីនេះជាពេលវេលាដែលខ្ញុំយល់ថា ក្តីសុបិន្តបានសម្រេចក៏ដោយ តែខ្ញុំមិនសប្បាយចិត្តនោះទេ ព្រោះពេលដែលនាងជួបខ្ញុំនេះ គឺជាពេលវេលាដែលនាងកំពុងព្យាយាមគេចវេសពីមនុស្សម្នាក់ផ្សេងទៀត ដែលនាងធ្លាប់បាននិយាយប្រាប់ខ្ញុំថា នាងស្រលាញ់គេខ្លាំងតាំងពីដើមមក។
នាវា៖ អូហ៌ ចឹងមានន័យថា នាងមានមិត្តប្រុសរួចហើយមែនទេ មុនពេលលោកទាក់ទងនាង?
ច.ស៖ ប្រហែលជាមិនមែនទេ នាងមានមិត្តប្រុសមុនពេលខ្ញុំទាក់ទងនាងទេ គឺខ្ញុំអាចស្រលាញ់នាងមុនពេលនាងមិត្តប្រុសនោះទៅទៀត តែខ្ញុំមិនដែលប្រកាន់នឹងរឿងនេះទេ ហើយកាន់តែអាណិតនាងនៅពេលដែលនាងនិយាយថា នាងធ្លាប់គេងយំព្រោះតែបុរសម្នាក់នោះ។ ខ្ញុំដឹងថា ក្រោយពេលជួបនាងដោយផ្ទាល់ ខ្ញុំកំពុងកសាងកំហុសមួយសម្រាប់បុរសម្នាក់នោះ និងចំពោះនាងផងដែរ។ ខ្ញុំដឹងថា មិនអាច តែខ្ញុំនៅតែធ្វើ វាគឺជារឿងខុសឆ្គងសម្រាប់ខ្ញុំចំពោះនាង។
នាវា៖ ចឹងសូមលោករៀបរាប់តាំងពីពេលដែលលោកជួបនាងរហូតលោកសម្រេចចិត្តចាកចេញពីនាង..?
ច.ស៖ មែនហើយ! តាំងពីពេលជួបលើកដំបូង ខ្ញុំសប្បាយតែសំបកខាងក្រៅប៉ុណ្ណោះ ព្រោះខ្ញុំចង់ឲ្យនាងមានអារម្មណ៌ល្អ ពេលនៅជាមួយខ្ញុំ ទោះជាពេលខ្លះ នាងនៅតែនឹកគិតពីបុរសម្នាក់នោះ តែខ្ញុំចង់ឲ្យនាងញញឹមតែប៉ុណ្ណោះ ដូច្នេះខ្ញុំតែងនិយាយអ្វីៗគ្រប់យ៉ាងដែលពេលខ្លះ ខ្ញុំមិនទាំំងដឹងផង គឺដើម្បីឲ្យនាងយល់ថា បាននៅជិតខ្ញុំនាងមានអារម្មណ៌ល្អ ទោះនាងមិនស្រលាញ់ពិតប្រាកដក៏ដោយ។ កន្លែងដែលនាងធ្លាប់ទៅជាមួយមិត្តប្រុសមុន គឺជាកន្លែងដែលខ្ញុំនិងនាងទៅដែរ។ ពេលខ្លះនាងថា មិនស្គាល់កន្លែងនេះ តែខ្ញុំដឹងថា នាងស្គាល់ច្បាស់ជាងខ្ញុំទៅទៀត ព្រោះអី? ព្រោះខ្ញុំចង់តែម្យ៉ាងគត់គឺផ្តល់ទំនុកចិត្តឲ្យនាងថា ខ្ញុំមិនប្រកាន់និងរឿងចាស់ៗរបស់នាងទេ។
រឿងមួយទៀត គឺខ្ញុំដឹងខ្លួនឯងច្បាស់ណាស់ថា ខ្ញុំមិនសង្ហារ មិនមានរូបសម្បត្តិដែលសក្តិសមនិងនាងទេ ពេលបានជួបខ្ញុំម្តងៗ នាងមិនចង់សំលឹងមើលមកខ្ញុំទេ ព្រោះនាងអាចនឹងអន់ចិត្តខ្លួនឯង រឺមានអារម្មណ៌សោកស្តាយនៅពេលបានចំណាយពេលវេលានៅជាមួយបុរសដូចជាខ្ញុំ។ គ្មានទាំងរូបសម្បត្តិ គ្មានទាំងទ្រព្យសម្បត្តិគឺជាអ្វីដែលខ្ញុំត្រូវគិតបំផុតនៅពេលដែលបាននៅជិតនាង។ អស់ពេលមួយរយៈខ្លី គឺដល់ថ្ងៃខួបកំណើតរបស់នាង ខ្ញុំបានត្រឹមតែអំណោយតិចតួចជួនទៅនាង តែពេញមួយថ្ងៃនោះខ្ញុំមានអារម្មណ៌ថា នាងនឹងចាកចេញទៅហើយ គ្រាន់តែនាងមិនទាន់និយាយតែប៉ុណ្ណោះ ដូច្នេះខ្ញុំបានតៀមខ្លួនជាស្រេសដើម្បីទទួកយកពាក្យដោះសារពីនាង។ ជាការពិត ថ្ងៃនោះនាងបានផ្ញើសារមកឲ្យខ្ញុំថា នាងចង់ផ្តាច់ទំនាក់ទំនង។
នាវា៖ អូហ៌ មានន័យថា នាងជាអ្នកសុំចែកផ្លុវមុនមែនទេ?
ច.ស៖ មែនហើយ នេះជាលើកទីមួយដែលយើងផ្តាច់ទំនាក់ទំនងនិងគ្នា។ កាល់នោះខ្ញុំដឹងថា នាងចង់ផ្តាច់ទំនាក់ទំនងពីខ្ញុំ ព្រោះនាងមិនចង់ឲ្យបុរសម្នាក់ផ្សេងទៀតដឹងថា នាងកំពុងមានទំនាក់ទំនងជាមួយខ្ញុំ។ ខ្ញុំមិនហ៊ានប្រើពាក្យធ្ងន់ៗសម្រាប់នាងទេ គឺកាន់តែនឹកអាណិតនាងទៅទៀត ព្រោះនាងសម្រេចចិត្តចាកចេញពីខ្ញុំ ព្រោះនាងទទួលការផ្តល់យោបល់ពីមិត្តភក្តិជិតស្និទ្ធឹរបស់នាង។ មិត្តនាងនិយាយថា នៅជាមួយខ្ញុំគ្មានអនាគតទេ តែបើនៅជាមួយបុរសម្នាក់ដែលគេណែនាំឲ្យនាងនេះ នឹងមានអនាគត មានទ្រព្យ តែមិនប្រាកដថាមានសុភមង្គលទេ។ នាងជានារីម្នាក់ដែល មិនហ៊ានអាកាត់រឿងធំៗទេ ហេតុនេះទើបខ្ញុំអាណិតនាង ម្យ៉ាងទៀតនាងឆាប់ជឿគេ និងតែងយករឿងខ្លួនឯងទៅនិយាយប្រាប់គេ។
ថ្ងៃនោះខ្ញុំ បើទោះជាបានត្រៀមខ្លួនហើយក្តី តែខ្ញុំពិតជាពិបាកក្នុងខ្លួន គឺមិនខុសពីមានរបស់អ្វីមួយកំពុងចាក់ដោតក្នុងទ្រូងទេ ឈឺឆៀបរកស្មានមិនត្រូវ តែខ្ញុំនៅព្យាយាមនិយាយពាក្យល្អៗ ពាក្យជួនពរ និងបានផ្តល់តំលៃមួយឲ្យនាងយ៉ាងពិតប្រាកដ។
ប៉ុន្មានថ្ងៃក្រោយ នាងស្រាប់តែទំនាក់ទំនងមកខ្ញុំវិញ ហើយថា នាងចង់សងអ្វីដែលខ្ញុំបានចំណាយទៅលើនាង គឺពេលវេលាជាច្រើនដែលខ្ញុំបានស្រលាញ់នាង នាងចង់តបស្នងមកវិញទាំងអស់។ មិនគួរឲ្យជឿទេ នាងវិលមករកខ្ញុំវិញ ព្រោះនាងយល់ថា បុរសម្នាក់ដែលនាងកំពុងសាកល្បងចិត្តនោះ មិនមានសន្តានចិត្តល្អគ្រប់គ្រាន់ទេ ហើយក៏ជាការផ្តល់យោបល់ពីមិត្តភក្តិរបស់នាងផងដែរ។ ខ្ញុំដឹងរឿងនេះ ខ្ញុំកាន់តែអាណិតនាង ទោះជានាងបានទុកខ្ញុំដូចជាវត្ថុមួយដែលនាងអាចលេងបានតាមចិត្តក៏ដោយ ព្រោះនាងនៅក្មេងខ្ចីមែន ហើយប្រហែលរាល់ការសម្រេចទាំងឡាយរបស់នាងពីមុនមក គឺប៉ាម៉ាក់នាងជាអ្នកអារកាត់ទាំងស្រុង ទើបនាងមិនមានកំលាំងក្នុងការសម្រេចដោយខ្លួនឯង ក្រៅតែពីការចាំស្តាប់ និងទទួលការណែនាំពីគេ។
ពេលដែលនាងចាកចេញលើកទីមួយ នាងបានធ្វើឲ្យខ្ញុំស្គាល់រស់ជាតិឈឺចាប់ក្នុងបេះដូងលើកដំបូងក្នុងឆាកជីវិត តែខ្ញុំសប្បាយចិត្តព្រោះខ្ញុំចង់ឲ្យនាងស្វែងរកបុរសដែលអាចផ្តល់អ្វីៗសម្រាប់នាង គឺគ្រប់គ្រាន់សម្រាប់នាង មិនមែនខ្វះខាត គ្រប់បែបយ៉ាងដូចជាខ្ញុំឡើយ។
ប៉ុន្តែទំនាក់ទំនងលើកទី២ របស់យើង គឺមិនដូចមុនឡើយ ខ្ញុំមិនព្យាយាមជួបនាងទេ។ រាល់ពេលដែលខ្ញុំនិយាយថាចង់ជួប គឺគ្រាន់តែជាពាក្យដែលខ្ញុំចង់សាកល្បងចិត្តនាងថាតើនាងចង់ជួបខ្ញុំដែររឺក៏អត់ តែដូចខ្ញុំគិតចឹង នាងមិនចង់ជួបខ្ញុំទេ ទោះពេលខ្លះនាងបានមករកខ្ញុំពេលខ្ញុំកំពុងអង្គុយចាំ តែនោះគឺគ្រាន់តែជាសុជីវធម៌តែប៉ុណ្ណោះ។
នាវា៖ ចុះលោកធ្វើដូចម្តេច ទើបសម្រេចចិត្តចាកចេញពីនាង..?
ច.ស៖ ក្រោយពេលដែលនាងនិយាយថា នាងចង់តបស្នងគ្រប់យ៉ាងឲ្យខ្ញុំវិញ នូវទឹកចិត្តស្រលាញ់របស់ខ្ញុំចំពោះនាង តែនាងមិនបានប្តូរផ្តាច់និងពាក្យដែលនាងនិយាយទេ ព្រោះអ្វីដែលនាងត្រូវការនៅតែជា ទ្រព្យសម្បត្តិ និងភាពស្តុកស្តម្ភដដែល។ ខ្ញុំដឹងច្បាស់ តែខ្ញុំនៅតែទទួលយកនាងម្តងទៀត ស្របពេលដែលនាងកំពុងតែបន្តទំនាក់ទំនងនិងបុរសម្នាក់នោះ មិនឈប់។ ជារឿងឆោតល្ងង់របស់ខ្ញុំ ដែលបង្ខំធ្វើជាបុរសល្ងង់ខ្លៅ ដើម្បីផ្តល់ការជ្រើសរើសរបស់មនុស្សស្រីដែលខ្លួនស្រលាញ់។ ខ្ញុំមិនបើកឆាកប្រយុទ្ធដើម្បីទាមទារយកនាងមកទេ ព្រោះខ្ញុំមិនចង់ឲ្យនាងឈឺចាប់ឡើយ ព្រោះការប្រយុទ្ធដើម្បីទាមទារយកស្នេហាមួយ គឺលទ្ធផលគ្មានអ្វីក្រៅពីការឈឺចាប់នោះទេ។
ថ្ងៃបន្ទាប់មក យើងមិនដែលបានចេញទៅណាមកណាតែពីរនាក់ទេ ក្នុងពេលចងទំនាក់ទំនងឡើងវិញ។ ខ្ញុំចាប់ផ្តើមគិតថា គោលបំណងរបស់នាងនៅពេលនេះគឺចង់ឲ្យខ្ញុំបង្ហាញឲ្យនាងឃើញថា អ្វីដែលខ្ញុំមាន អ្វីដែលខ្ញុំធ្វើ។ តែខ្ញុំដឹងថា ខ្ញុំគ្មានអ្វីនោះទេ ហើយខ្ញុំក៏សម្រេចចិត្ត បើកផ្លូវឲ្យនាងសារជាថ្មី។ ខ្ញុំបានកុហកនាងជាច្រើនដូចជា សាច់ញាតិខ្ញុំ មិនត្រូវការនាងទេ, ខ្ញុំមានប្រាក់ខែតិចណាស់, ខ្ញុំគ្រា់តែជាប៉ូលីសម្នាក់ប៉ុណ្ណោះ, ខ្ញុំចង់ចេញទៅបរទេស, បងស្រីខ្ញុំបង្ខំឲ្យរៀបការនឹងអ្នកផ្សេង ទាំងនេះគឺជារឿងកុហកទាំងអស់ ព្រោះខ្ញុំចង់ឲ្យនាងអស់សង្ឍឹមពីខ្ញុំ។
គ្រួសារខ្ញុំគ្រាន់តែជាអ្នកស្រុកស្រែសាមញ្ញ ដូច្នេះខ្ញុំមិនអាចឲ្យមនុស្សម្នាក់ដែលមិនធ្លាប់លំបាកសោះ មករងទុក្ខនឹងខ្ញុំបានទេ ហើយខ្ញុំដឹងថា ម៉ាក់ប៉ារបស់នាងក៏មិនប្រាកដថាទទួលយកខ្ញុំដែរ ព្រោះនាងបាននិយាយប្រាប់ខ្ញុំថា ម៉ាក់ប៉ារបស់នាងមិនចង់ឲ្យនាងលំបាកទេ។ ម្យ៉ាងទៀត ការនិយាយពាក្យបែកគ្នាលើកនេះ ក៏ប្រហែលជាបំណងរបស់នាងដែរ គ្រាន់តែនាងនៅជាប់ជំពាក់និងខ្ញុំដោយសម្តីថា តបស្នងនូវអ្វីដែលខ្ញុំបានចំណាយមកលើនាងប៉ុណ្ណោះ។
ក្នុងចិត្តខ្ញុំ ពិតជាពិបាកទទួលយកណាស់ ព្រោះខ្ញុំមិនចង់បាត់បង់នាងទេ តែខ្ញុំក៏មិនអាចដណ្តើមយកនាងមក ហើយធ្វើឲ្យនាងលំបាកក្នុងជិវភាពឥតគោលដៅរបស់ខ្ញុំដែរ។ ទោះខ្ញុំមានមុខរបរ មានការងារ តែខ្ញុំដឹងថា ប្រាក់ចំណូលរបស់ខ្ញុំមិនអាចបំពេញតម្រូវការរបស់នាងបានទេ។ ខ្ញុំធ្លាប់បានសាកល្បងនិងនាងថា តើនាងអាចរងចាំខ្ញុំបាន២ រឺ៣ឆ្នាំទៀតទេ..? នាងបែជានៅស្ងៀម តែសំនួរមួយនេះ បែជាត្រូវបានឆ្លើយដោយមិត្តភក្តិរបស់នាងថា នាងមិនអាចនៅយូរដល់ប៉ុណ្ណឹងទេ។
ខ្ញុំនិយាយជាមួយនាងថា យើងមិនអាចបន្តទៅមុខទៀតបានទេ។ នាងស្រាប់តែឆ្លើយថា ស្រេចតែចិត្ត ធ្វើម៉េចបើមិនអាច.. ។ ស្តាប់ទៅគឺដឹងថា នាងចង់បែកចេញពីខ្ញុំណាស់...
នាវា៖ តើលោកគិតយ៉ាងម៉េចនៅពេលនេះ?
ច.ស៖ ខ្ញុំគ្រាន់តែចង់ឲ្យនាងបានសុខ រស់នៅប្រកបដោយសេរីភាព ចង់ធ្វើអ្វីតាមចិត្តនាង កុំឲ្យមានអ្នកណាមកអាកាត់ឲ្យនាង តែចង់ឲ្យនាងជួបបុរសដែលយោគយល់នាង អត់អោនទោសកំហុសរបស់នាង ព្រមទទួលអតីតកាលរបស់... ហើយគេត្រូវតែមានទ្រព្យសម្បត្តិដើម្បីនាងផងដែរ..
ខ្ញុំចង់ប្រាប់ទៅនាងថា របស់ល្អ បើសិនជារបស់យើង វានឹងមករកយើងដោយខ្លួនឯង តែបើចង់ធ្វើជាម្ចាស់នៃរបស់ល្អនោះ ខ្លួនឯងក៏ត្រូវតែមានទឹកចិត្តល្អដែរ...
ខ្ញុំសោកស្តាយនាង តែខ្ញុំនឹងឈឺចាប់បើនាងមកនៅជិតខ្ញុំហើយគ្មានសេចក្តីសុខ...
តើលោកអ្នកយល់យ៉ាងម៉េចដែរ ចំពោះលោក ច.ស? តើការស្រលាញ់មនុស្សម្នាក់គួរតែត្រូវប្រយុទ្ធដើម្បីទាមទារមកទេ? តើត្រូវផ្តល់សុខ រឺផ្តល់ទុក្ខឲ្យមនុស្សដែលខ្លួនស្រលាញ់?
សូមប្រិយមិត្តផ្តលគំនិតឲ្យលោក ច.ស ផង...
សូមអរគុណ..!
Blogger Comment
Facebook Comment