កណ្ដាល ៖ ក្មេងប្រុសអាយុ១៧ឆ្នាំម្នាក់បានត្រូវសាលាដំបូងខេត្តកណ្តាល សម្រេចផ្ដន្ទាទោសដាក់គុកចំនួន៣ឆ្នាំ៦ខែ ពីបទរំលោភសេពសន្ថវៈប្រព្រឹត្តទៅលើក្មេងស្រីអាយុ៥ឆ្នាំ។
អង្គជំនុំជម្រះទោស ក្មេងប្រុសនេះ ប្រព្រឹត្តឡើងនៅបន្ទប់លេខ២ នៃសាលាដំបូងខេត្តកណ្តាល ដោយលោក ស្រី ស្រ៊ុន ឈន់ វលក្ខណ៍ ប្រធានក្រុមប្រឹក្សាជំនុំជម្រះ លោក កេង សុម៉ារិទ្ធ ចៅក្រម, លោក ហុក វ៉ាន់ធីណា ចៅក្រម, លោក សំ ឬទ្ធីវាសនា តំណាងអយ្យការ។ ចំណែកជនជាប់ចោទឈ្មោះ រស់ បូរី ភេទប្រុស អាយុ១៧ឆ្នាំ មានទីលំនៅភូមិតាគាត់លិច ឃុំជ័យធំ ស្រុកខ្សាច់កណ្ដាល ខេត្តកណ្តាល។ ជនរងគ្រោះឈ្មោះ ឈ សន ភេទស្រី អាយុ៥ឆ្នាំ។
ក្នុងអង្គជំនុំជំរះនេះ ក៏មានលោកមេធាវីចំនួន២រូប តំណាងការពារក្តីឲ្យជនជាប់ចោទ និងជនរងគ្រោះផងដែរ។ បន្ទាប់ពីលោកចៅក្រមប្រឹក្សា និងតំណាងអយ្យការបានធ្វើការដេញដោលចោទសួរទៅលើជនជាប់ចោទ និងជនរងគ្រោះព្រមទាំងស្តាប់ចម្លើយសារភាពរបស់ជនជាប់ចោទ ចម្លើយសាក្សី និងការលើកឡើងរបស់លោកមេធាវីរួចមក អង្គជំនុំជម្រះក៏បានថយទៅធ្វើការពិភាក្សា ហើយបានសម្រេចផ្ដន្ទាទោសជនជាប់ចោទឈ្មោះ រស់ បូរី ឲ្យនៅក្នុងពន្ធនាគារចំនួន៣ឆ្នាំ៦ខែ ពីបទ រំលោភសេពសន្ថវៈមានស្ថានទម្ងន់ប្រព្រឹត្តនៅភូមិ តាគាត់ ឃុំជ័យធំ ស្រុកខ្សាច់កណ្ដាល ខេត្តកណ្តាល កាលពីថ្ងៃទី១ ខែសីហា ឆ្នាំ២០១៣ តាមបញ្ញត្តិមាត្រា ២៤១ នៃក្រមព្រហ្មទណ្ឌ។
សូមបញ្ជាក់ថា កាលពីថ្ងៃទី១ ខែសីហា ឆ្នាំ២០១៣ មានករណីចាប់រំលោភសេពសន្ថវៈ ប្រព្រឹត្តិឡើងដោយក្មេងប្រុសអាយុ១៧ឆ្នាំ ទៅលើក្មេងស្រីអាយុ៥ឆ្នាំ នៅចំណុចភូមិ តាគាត់លិ ឃុំជ័យធំ ស្រុកខ្សាច់កណ្តាល។ ជនសង្ស័យឈ្មោះ រស់ បូរី បានសារភាពថា កាលពីវេលាម៉ោង១២ ថ្ងៃត្រង់ ខ្លួនបានយកទូរស័ព្ទដៃ ចាក់បទចម្រៀងមើលនៅក្នុងផ្ទះរបស់ខ្លួន ពេលនោះជនរងគ្រោះឈ្មោះ ឈ សន បានមកសុំមើលដែរ ដោយដេកផ្កាប់មុខមើល ហើយខ្លួននៅឈរមើលក្បែរនោះ ក៏មានអារម្មណ៍ចង់រួមសិច ចាប់ផ្តើមស្រាតខោ និងយកដៃទៅចាប់ស្រាតខោខូវប៊យក្មេងស្រីចេញពីខ្លួន រួចធ្វើសកម្មភាពពោបពីលើ។ បន្ទាប់មកម្តាយក្មេងស្រីបានហៅកូនគាត់ទៅផ្ទះ ក៏បែករឿងចាប់រូបគេទៅឲ្យនគរបាលតែម្តង៕
មុន្នី
Blogger Comment
Facebook Comment