ភ្នំពេញ: ជនសង្ស័យ ២នាក់បើកម៉ូតូតាមពីក្រោយធ្វើសកម្មភាពបាញ់ ៣គ្រាប់ទៅលើជនរងគ្រោះ ត្រូវចំដើមទ្រូង១គ្រាប់ ប្លន់យកម៉ូតូម៉ាកហុងដាឌ្រីម C125 ស៊េរី២០១៤ ទៅបាត់។
ហេតុការណ៍បាញ់ប្លន់នេះ បានកើតឡើងកាលពីម៉ោងជិត៩ យប់ថ្ងៃទី១២ កុម្ភៈ ២០១៤ នៅចំណុចខាងលិចផ្សារប៉េសេ តាមផ្លូវបេតុង ១ ស្ថិតក្នុងភូមិត្នោតជ្រុំ២ សង្កាត់បឹងទំពុន ខណ្ឌមានជ័យ។
សមត្ថកិច្ចប្រាប់ថា ជនរងគ្រោះត្រូវបានស្គាល់ឈ្មោះ រស្មី អាយុប្រហែលជាង២០ឆ្នាំ ស្នាក់នៅម្តុំចំការដូង។
ជនរងគ្រោះត្រូវជនសង្ស័យបាញ់ត្រូវមួយគ្រាប់ចំដើមទ្រូងខាងឆ្វេងធ្លាយ កំពុងសង្គ្រោះបន្ទាន់នៅមន្ទីរពេទ្យរុស្ស៊ី។
ប្រភពព័ត៌មាននៅកន្លែងកើតហេតុប្រាប់ថា មុនពេលកើតហេតុឃើញជនរងគ្រោះ បើកម៉ូតូម៉ាកហុងដាឌ្រីម C125 ស៊េរី២០១៤ មិនចាំស្លាកលេខ ស្រាប់តែមានជនសង្ស័យ២នាក់ បើកម៉ូតូ និច ឌុបគ្នា បើកដេញតាមជនរងគ្រោះតាំងពីផ្លូវ២៧១ និងបាញ់គំរាម ១គ្រាប់។
ជនសង្ស័យបើកម៉ូតូដេញតាមជនរងគ្រោះរហូតមកដល់ចំណុចខាងលិចផ្សារប៉េសេ ក៏បាញ់ ២គ្រាប់ទៀត ត្រូវចំជនរងគ្រោះ ១គ្រាប់ ដួលធ្លាក់ពីលើម៉ូតូ ទើបជនសង្ស័យម្នាក់ ចុះមកលើកម៉ូតូជនរងគ្រោះ បើកគេចខ្លួនទៅបាត់ ឯជនរងគ្រោះត្រូវបានប្រជាពលរដ្ឋដឹកទៅសង្គ្រោះនៅមន្ទីរពេទ្យរុស្ស៊ី៕ L
Blogger Comment
Facebook Comment