ភ្នំពេញ: មនុស្ស២នាក់ ស្លាប់នៅនឹងកន្លែង និង៤នាក់ផ្សេងទៀត បានរងរបួសធ្ងន់ស្រាល ដោយសារម៉ូតូ ២ គ្រឿង ប៉ះគ្នា ស្រាប់តែមានរថយន្តមួយគ្រឿងផ្សេងទៀត មកពីក្រោយ បុក រួចកិនថែមទៀត។
ហេតុការណ៍នេះ បានកើតឡើង កាលពីម៉ោងជាង ៣ រំលងអធ្រាត្រ ឆ្លងចូល ថ្ងៃទី២០ ខែកុម្ភៈ ឆ្នាំ២០១៤ ស្ថិតនៅតាមផ្លូវសហព័ន្ធរុស្ស៊ី ភូមិក្បាលដំរី សង្កាត់កាកាប ខណ្ឌពោធិ៍សែនជ័យ ខាងមុខអាកាសយានដ្ឋានអន្តរជាតិភ្នំពេញ។
ខណៈនោះ ក៏មានរថយន្តកូរ៉េ ដឹកទឹកកកមួយគ្រឿង ធ្វើដំណើរពីលិចទៅកើត មកដល់ បានបុក និងកិនមនុស្ស ២នាក់ (ប្រុស) ស្លាប់នៅនឹងកន្លែង។ ចំណែកមនុស្សប្រុសស្រី ៤នាក់ ផ្សេងទៀត រងរបួសធ្ងន់ស្រាល ត្រូវបានរថយន្តសាមុយ ដឹកយកទៅសង្គ្រោះនៅមន្ទីរពេទ្យឯកជន។
រីឯរថយន្តកូរ៉េ បានបន្ថែមល្បឿនបើកគេចបាត់។
ម៉ូតូទាំង ២គ្រឿង ត្រូវបានសមត្ថកិច្ចយកទៅរក្សាទុកនៅការិយាល័យចរាចរផ្លូវគោក រង់ចាំដោះស្រាយជាក្រោយ៕V/s
Blogger Comment
Facebook Comment