NASA ៖អាចម៍ផ្កាយ ចំនួន៣ដុំតូចៗ ហោះឆ្លងកាត់ ភពផែនដី តែមិនបង្ក ផលប៉ះពាល់ អ្វីឡើយ

ប្រភព ដើមអម្ពិល
វ៉ាស៊ីនតោន៖ ទីភ្នាក់ងារអវកាសសហរដ្ឋអាម៉េរិក ហៅកាត់ (NASA) បានប្រកាសឲ្យដឹងថា កាលពីថ្ងៃពុធ ថា មានដុំអាចម៍ផ្កាយចំនួន៣ដុំតូចៗ បានហោះបោះពូយឆ្លងកាត់ ភពផែនដីយើងនេះ តែមិនបង្កឲ្យគ្រោះថ្នាក់នោះឡើយ ។

យោងតាមទីភ្នាក់ងារព័ត៌មានចិនស៊ិនហួ ចុះផ្សាយនៅថ្ងៃទី០៧ ខែមីនា ឆ្នាំ២០១៤ថា អង្គការណាសា បាន ប្រកាសអំពីការធ្វើចរាចរណ៍របស់ដុំអាចម៍ផ្កាយ ដែលមានរយៈចម្ងាយកៀកនឹងភពផែនដី ។

ដុំអាចម៍ផ្កាយទាំងនោះ ត្រូវបានគេឲ្យឈ្មោះថា EC ២០១៤ ដែលមានរយៈចម្ងាយពីពីភពផែនដី ប្រមាណ ៦២ពាន់គីឡូម៉ែត្រ ហើយបានហោះឆ្លងកាត់នៅវេលាម៉ោងប្រមាណ ៤ និង២១នាទីល្ងាច ។

អង្គការនេះបានបញ្ជាក់ថា ដុំអាចម៍ផ្កាយទាំងនោះនឹងហោះ រំលងភពផែនដី ដែលមានចន្លោះរយៈពេល២ ថ្ងៃប៉ុណ្ណោះ ដោយមិនបង្កគ្រោះភ័យអ្វីនោះទេ ហើយត្រូវគេមើលឃើញតាមរយៈកែវយិតសម្រាប់ មើលដំណើរ គោលចររបស់តារាសាស្ត្រ និងអព្ភូតហេតុដែលកើតឡើងនៅទីលំ។

តាមការបញ្ជាក់របស់ក្រុមអ្នកវិទ្យាសាស្ត្រនៅអង្គការខាងលើបានឲ្យដឹងថា ដុំអាចម៍ផ្កាយទាំងនោះ មានប្រវែង ៣០ម៉ែត្រ និងទទឹងប្រមាណ ៨ម៉ែត្រប៉ុណ្ណោះ ដូច្នេះហើយត្រូវបាន គេចាត់ទុកជាដុំអាចម៍ផ្កាយ ដែលតូច និងមិនបង្កគ្រោះភ័យ និងគ្រោះថ្នាក់ដល់ពិភពលោក និងភពផែនដីបានឡើយ បើទោះបីជាដុំអាចម៍ផ្កាយទាំងនោះ បានឆ្លងកាត់ និងនៅកៀកភពផែនដីយើងនេះក៏ដោយ ៕

Share on Facebook Share on Twitter Share on Google Plus