លោកស្រី យីងឡាក់ ស៊ីណាវ៉ាត្រា នាយករដ្ឋមន្ត្រីចាំផ្ទះនៃព្រះរាជាណាចក្រថៃ ត្រូវបានតុលាការធម្មនុញ្ញនៃប្រទេសនេះ បង្គាប់ឲ្យចុះចេញពីតំនែងក្នុងបទចោទថាបានដឹកនាំប្រទេសឲ្យធ្លាក់ចូលទៅក្នុងស្ថានភាពគ្រោះថ្នាក់ និងប្រព្រឹត្តិអំពើខុសច្បាប់ក្នុងពេលបង្ក្រាបបាតុកម្មកន្លងទៅ។
សេចក្តីបង្គាប់នេះ ត្រូវបានធ្វើឡើងខណៈពេលភាពជាប់គាំងផ្នែកនយោបាយនៅប្រទេសថៃត្រូវចំណាយពេលអស់រាប់សិបខែ នៅតែរកដំណោះស្រាយបាន នៅក្រោយពេលការបោះឆ្នោតសារឡើងវិញត្រូវបានបដិសេធន៌ដោយតុលាការធម្មនុញ្ញ ព្រោះមានអំពើហឹង្សាកើតឡើងនៅថ្ងៃបោះឆ្នោត បើទោះជាលទ្ធផលបង្ហាញថា គណបក្សរបស់លោកស្រីយីងឡាក់ឈ្នះសន្ធឹកសន្ធាប់ក៏ដោយ។
សូមបញ្ជាក់ថា លោកស្រីយីងឡាក់ ត្រូវបានក្រុមប្រឆាំងរបស់លោកស្រីទាមទារបណ្តេញចេញពីតំនែង ដើម្បីរៀបចំការបោះឆ្នោតសារជាថ្មីនៅបន្ទាប់ពីលោកស្រីបានឡើងកាន់តំនែងជាលើកទី២ ដោយហេតុនេះការទាមទារបានបង្ករឲ្យមានអសន្តិសុខ និងបង្ខំរដ្ឋបាលលោកស្រីឲ្យដាក់តំបន់មួយចំនួនស្ថិតក្រោមគ្រាអាសន្នរហូតមកដល់ពេលនេះ។
ការទាមទារ តវ៉ាប្រឆាំងរដ្ឋបាលលោកស្រីយីងឡាក់ បានបណ្តាលឲ្យបាត់បង់សន្តាប់ធ្នាប់ ខូចខាតទ្រព្យសម្បត្តិជាតិ អសន្តិសុខសង្គម និងកំពុងធ្វើឲ្យប្រទេសនេះអាប់អោន នេះបើតាមការប្រកាស់របស់មេដឹកនាំការតវ៉ា និងការបញ្ជាក់មូលេហតុរបស់តុលាការធម្មនុញ្ញរបស់ថៃ។
Blogger Comment
Facebook Comment