ភ្នំពេញ ៖ គណៈកម្មការផ្សារកណ្ដាល បានបញ្ចេញប្រតិបត្ដិការ ទាំងធ្លាក់ភ្លៀង ដើរកាយសម្រាម ដើម្បីបញ្ចៀសការលិច លង់កាន់តែខ្លាំង ក្រោយពីភ្លៀងធ្លាក់មួយ មេធំ នៅរសៀលថ្ងៃទី២៣ ខែឧសភា ឆ្នាំ ២០១៤ នេះ ។
សូមបញ្ជាក់ថា តំបន់ផ្សារកណ្ដាលក្នុង ខណ្ឌដូនពេញ នៅពេលដែលភ្លៀងធ្លាក់ ម្ដងៗ ផ្លូវនៅទីនោះតែងតែជន់លិច ពីព្រោះ ជាទីតាំងនៅក្បែរទន្លេ ដែលទឹកគ្រប់ច្រក ល្ហកបុក និងហូរធ្លាក់ទៅទន្លេ ជាហេតុធ្វើឱ្យពិបាកធ្វើដំណើរនៅពេលមាន ភ្លៀងធ្លាក់ម្ដងៗ ។
ប្រធានគណៈកម្មការផ្សារកណ្ដាល លោក ចាប ឌីណា បានថ្លែងឱ្យដឹងថា ក្រោយ ពីភ្លៀងធ្លាក់មួយមេធំនៅរសៀល ថ្ងៃនេះ បានធ្វើឱ្យផ្លូវនៅជុំវិញផ្សារ និងក្នុង ផ្សារលិច ស្ទើរធ្វើដំណើរមិនចង់កើត ហេតុ ដូច្នេះលោកបានដឹកនាំក្រុមការងារ នៃ គណៈកម្មការផ្សារ ដើរកាយសម្រាមកុំឱ្យ បិទមុខមាត់លូ ក្នុងគោលបំណង កាត់បន្ថយ ការជន់លិចកាន់តែខ្លាំង ។
ប្រធានគណៈកម្មការផ្សារកណ្ដាលបាន បញ្ជាក់ថា ក្រោយពេលមានភ្លៀងធ្លាក់ម្ដងៗ ក្រុមការងាររបស់លោកតែងតែបញ្ចេញ ប្រតិបត្ដិការចុះកាយសម្រាមនៅតាមមាត់ លូ ធ្វើយ៉ាងណាឱ្យល្បឿនទឹកហូរកាន់តែ ខ្លាំង ចាក់ទៅទន្លេហើយឆាប់ស្រកងាយ ស្រួលការធ្វើដំណើរ និងរស់នៅរបស់បង ប្អូនប្រជាពលរដ្ឋនៅតំបន់នោះ ។
ជាមួយគ្នានេះ លោកក៏សូមអំពាវនាវ ឱ្យប្រជាពលរដ្ឋ និងក្រុមអាជីវករទាំងអស់ ដែលលក់ដូរនៅក្នុងផ្សារកណ្ដាលត្រូវចេះ ទុកដាក់សម្រាមឱ្យបានត្រឹមត្រូវ កុំឱ្យចោល ពាសវាលពាសកាល នាំឱ្យស្ទះមុខលូហើយ ពេលភ្លៀងម្ដងៗទឹកដក់ និងហូរពេញផ្លូវ ៕
Blogger Comment
Facebook Comment