ព្រំដែនកម្ពុជា-ថៃ: បន្ទាប់ពីទាហានថៃ ដោះលែងអ្នកបើកបរ ម្ចាស់ និងរថយន្ត ដឹកហ្គាស ប្រមាណ៣០គ្រឿង ដែលចាប់ដោយ រដ្ឋអំណាចយោធារដ្ឋប្រហារ កាលពីព្រលប់ថ្ងៃទី២៤ឧឧសភានោះ មកទល់នឹងថ្ងៃទី២៦ ឧសភានេះ ពុំទាន់មានរថយន្តដឹកហ្គាសថ្មី ហ៊ានល្មើស បម្រាមជាថ្មីទេ។
លោក អាន វណ្ណះ ប្រធានទីស្នាក់ការ ត្រួតពិនិត្យច្រកទ្វារ អន្តរជាតិប៉ោយប៉ែត ប្រាប់គេហទំព័រ CEN ថា: “យើងពុំមានព័ត៌មានថា ពលរដ្ឋខ្មែរ បើកបរ និងជាម្ចាស់ឡានតូច ដឹកហ្គាសថ្មី ហ៊ានល្មើសបម្រាម អាជ្ញាសឹកថៃ ហួសពីផ្សាររោងក្លឿ ចូលទៅចាក់ហ្គាស នៅចន្លោះស្រុកអារញ្ញនោះទេ” ។
គួររំលឹកថា កាលពីម៉ោង១១ ថ្ងៃត្រង់ ទី២៤ ឧសភា កន្លងមក ទាហានឈុតខ្មៅថៃ និងកម្លាំងពាក់ព័ន្ធ បានឃាត់អ្នកបើកបរ និងរថយន្តដឹកហ្គាសខ្មែរ ប្រមាណ៣០គ្រឿង នៅ តាមផ្លូវ និងស្ថានីយ៍ហ្គាស នៅចន្លោះ ផ្សាររោងក្លឿ និងស្រុកអារញ្ញ។ តែដោយការ ធានាពី អគ្គកុងស៊ុលកម្ពុជា ប្រចាំខេត្តស្រះកែវ ការិយាល័យទំនាក់ទំនងព្រំដែន កម្ពុជា-ថៃ និងសមត្ថកិច្ចពាក់ព័ន្ធ នៅច្រកព្រំដែនប៉ោយប៉ែត ព្រមទាំងកិច្ចសន្យាពីសាម៉ីខ្លួន អ្នកបើកបរឡានហ្គាសថា មិនបំពានបម្រាមជាថ្មី ទើបយោធាថៃព្រមដោះលែង អ្នក បើកបរ ម្ចាស់ និងរថយន្ត ប្រមាណ៣០គ្រឿងនោះ បានមកវិញ កាលពីព្រលប់ថ្ងៃទី ២៤ ឧសភា៕V/s
Blogger Comment
Facebook Comment