ព្រះវិហារ: យន្ដហោះថៃ២គ្រឿង បានហោះហើរចំនួន២លើកនៅតា មតំបន់បន្ទាត់ព្រំដែនប្រាសាទព្រះវិហារ កាលពីព្រឹកថ្ងៃទី២៦ ខែឧសភា ឆ្នាំ២០១៤។
ប្រភពយោធាកម្ពុជាដែលឈរជើងនៅតំបន់ប្រាសាទព្រះវិហារ បាននិយាយនៅល្ងាចថ្ងៃទី២៦ ខែឧសភានេះថា កាលពីម៉ោង៩ និង៥០នាទីថ្ងៃទី២៦ ខែឧសភា ឆ្នាំ២០១៤ មានយន្ដហោះស៊ើបការណ៍មួយគ្រឿ ងបានហោះនៅលើតំបន់ភូមិសាស្ដ្រតាសឹម,ភ្នំទ្រព្យ,វាលឥន្ទ្រីយ៏ មុខប្រាសាទព្រះវិហារ និងតំបន់តាថាវ។
ដោយឡែកព្រឹកម៉ោង១០ និង១០នាទីដល់ម៉ោង១០ និង១៥នាទី យន្ដហោះប្រភេទឧទ្ធម្ភាគចក្រថៃមួយគ្រឿងទៀត បានហោះពីកើតទៅលិចឆ្លងកាត់ព្រំដែនច្រកអានសេះ។ ប៉ុន្ដែយន្ដហោះទាំងពីរគ្រឿងនោះ មិនបានរំលោភចូលមកកាន់ដែនអាកាសកម្ពុជាទេ។ ទោះជាយ៉ាងណាវាជារឿងចំលែកមួយ ដែលភ្លាមៗមានយន្ដហោះរហូតដល់២គ្រឿងហោះឆ្វែល២លើកនៅតំបន់ព្រះវិហារ។
មន្ដ្រីកម្ពុជានៅព្រះវិយារបាននិយាយថា មិនមានរឿងអ្វីដែលធ្វើឱ្យមានការប្រែប្រួលឡើយ ដោយសារកម្ពុជា-ថៃ នៅតែសហការគ្នាល្អជាធម្មតា ហើយកំលាំងកម្ពុជា-ថៃ ដែលឈរនៅទល់មុខគ្នានោះ បានដើរល្បាត និងប្រាស្រ័យទាក់ទង ទទួលព័ត៌មាន ទៅវិញទៅមកជាធម្មតា។
ជាមួយគ្នានោះ នៅឯប្រាសាទព្រះវិហារ មន្ដ្រីអាជ្ញាធរនិយាយថា នៅតែមានភ្ញៀវទេសចរណ៍ខ្មែរ និងភ្ញៀវបរទេសឡើងចុះធម្មតា។ ជាក់ស្ដែងថ្ងៃទី២៦ ខែឧសភានេះនៅប្រាសាទព្រះវិហារមានភ្ញៀវទេសចរណ៍ខ្មែរឡើងចុះចំនួនជិត១០០ នាក់ និងភ្ញៀវបរទេសជិត១០នាក់។
ពួកគាត់មិនមានការភ្ញាក់ផ្អើលអំពីសភាពការណ៏នៅប្រទេសថៃដែលនៅជាប់នឹងប្រាសាទព្រះវិហារនោះឡើយ៕T
Blogger Comment
Facebook Comment